Буряад Уласай Толгойлогшо хари гүрэнүүдэй ажаглагшадтай уулзаба. Тэдэнтэй Алексей Цыденов 793-дахи болон 794-дэхи һунгуулиин участогуудаар ябахадаа хөөрэлдэһэн байна.
Улас дотор үнгэргэгдэжэ байһан һунгалта ганса Буряадай олониитын ажаглагшад бэшэ, харин хари гүрэнүүдэйшье ажаглагшад хаража байна. Тэдэнэй тоодо Энэдхэгһээ ерэһэн БРИКС-эй уласхоорондын хуралдаанай түрүүлэгшэ Пурнима Ананд; Хонгорзул Чагнаадоржо, Монголһоо «Иргэдэй хүсэлэй эхэнэрнүүдэй жэгүүр – Ногоонууд» намай түрүүлэгшын орлогшо; Даника Станисавльевич, эрдэмтэн ба Сербиин урагшатай намай түрүүлэгшын зүбшэлэгшэ; ба Серби Уласай Юрэнхы сайдай зүбшэлэгшэ Катарина Павич.
Тэдэндэ мүн лэ Танзаниин Нэгэдэһэн Бүгэдэ Найрамдаха Уласай Юрэнхылэгшын Хүдөө ажахын асуудалнуудаар зүбшэлэгшэ, Африкын уласхоорондын улас түрын эрсэдэлэй бүлэгэй гүйсэдхэхы захирал Сики Рамадани Магоха; Танзаниин засаг баригша Хубисхалай намай Үндэһэтэнэй Гүйсэдхэхы Хорооной гэшүүн Фредерик Джордж Кибодя; ба Эквадор Уласай Үндэһэтэнэй Ассамблейн гэшүүн Луис Фернандо Молина Онофа.
Хари гүрэнэй делегаци гурбан үдэрэй туршада 24 участково һунгуулиин комиссинуудаар ябаха юм. Һунгуулиин ажаглалта хадаа һунгуулиин ябаса үнэн сэхэ байхын гол баталамжа болоно гэжэ регионой хүтэлбэрилэгшэ онсолбо. Бүхы улас дотор 2 мянга гаран бэеэ дааһан ниитын ажаглагшад хүдэлнэ.
