Буряад Уласай Ахын аймагай Орлик тосхондо тамирай шэнэ байшан нээгдэбэ. Буряад Уласай Толгойлогшо Алексей Цыденов видео-холбоогоор нээлгэдэ хабаадаа. Һэеы гэрэй бүхы талмай 369,8 дүрбэлжэн метр болоно.
Барилгын сэн 29,8 сая түхэригһөө дээшэ болоо. Тус объект улас дотор ажалаа ябуулжа байһан инвесторһоо татабариин нэмэлтэ олзо оршын ашаар баригдаа. "Мүнөөдэр бидэ үдэрөө Ахын ажаһуугшадтай видео-холбоогоор эхилээбди, тиихэдээ тамирай аргаар эхилээбди. Орлигой тон түбтэ хүсэ шадал, һүр һүлдэ, заншалта газар бии болоо – Ахынхид шэнэ барилдаанай гэрээ иигэжэ нэрлээ. Хубсаһа хунараа һэлгэхэ таһагуудай тоног түхеэрэмжэ тухай асуудалнууд үлэхэдэнь туһалхабди гэжэ Алексей Цыденов тэмдэглээ.
Тэрэ холын муниципальна байгууламжада инфраструктура хүгжөөлгын системэтэй байһые онсолбо:
– Манай һуурин бүхэндэ барилдаанай танхим – һэеы гэр бии. Мүнөөдэр танай дэмжэлгын ашаар, Алексей Самбуевич, абтаһан шиидхэбэринүүдэй, муниципальна тойрогтомнай татагдаһан инвестициин ашаар бидэ тэдэниие энэ түсэл руу шэглүүлжэ шадаабди – барилдаанай шэнэ талмай бариха, тэрэнээ «Найдал» гэжэ нэрлээбди. Манай Буряад Уласые уласай болон уласхоорондын мүрысөөнүүдтэ түлөөлдэг олон тамиршадтайбди. Тиин тэдэнэй амжалта дэмжэлгэ бидэндэ шухала алхам болоно», - гэжэ Ахын Һоёдой муниципальна тойрогой дарга Анатолий Ринчинов хэлэбэ.
