Хүндөөр шархатаһан, мүнөөнэй технологиин протез хэрэгтэй болоһон сэрэгшэдтэ Буряад Уласта мүнөө үеын бэе махабад заһалгын түб баригдаха. Декабриин 1-дэ Буряад Уласай толгойлогшо Алексей Цыденов Валентина Матвиенко, «Ростех» компаниин захирал Сергей Чемезов, Баталан хамгаалгын сайдай орлогшо, «Эсэгэ ороноо хамгаалагшадай жаса» гэһэн эмхиин түрүүлэгшэ Анна Цивилева гэгшэдтэй хамта Федерациин Зүблэлдэ тус түб байгуулха тухай гурбан талаһаа хэлсээ баталба.
Алас Дурна зүгэй юрэнхылэгшын тэдхэмжын ашаар бэе махабад заһалгын түбэй барилгада Буряад Улас мүнгэндэ хүртөө. 2026 ондо 217 сая түхэриг һомологдонхой.
"Бидэ байшан бодхоожо, хэрэгтэй инфраструктура бэлдэхэбди. Тус түбтэ Ростехэй дэмжэлгээр Травматологиин болон ортопедиин түб дээдэ һургуулиһаа (CITO) сэхэ бүхы түхеэрэлгэнүүд үгтэхэ: мүнөө үеын түхеэрэлгэнүүд, тренажернууд, протезнэ системэнүүд, мүн бэлэдхэл гараһан эмшэд болон мэргэжэлтэд. "Энэ хадаа нэгэдэмэл федеральна шанарай стандарт болохо", - гэжэ Алексей Цыденов тэмдэглэбэ.
Сэрэгшэд ехэ аша туһатай протезүүдые абажа, гэртээ, гэртэхиндээ дүтэ дүүрэн реабилитаци гараха аргатай болохо гэжэ толгойлогшо тэмдэглэбэ. «Тэдэнэр бэеэ һорижо, бэеэ һэргээжэ, мүнөө үеын протез хэрэглэжэ һураха аргатай — бултыень эндэ, Буряад орондо бии болохо», - гэжэ Цыденов Telegram каналдаа бэшэбэ.
