Буряад Уласай Толгойлогшо Алексей Цыденов болон Ородой Холбоото Уласай тээбэриин сайд Андрей Никитин Гүрэнэй Зүблэлэй «Инфраструктура для жизни» гэһэн комиссиин хэмжээндэ транспортын хорооной хэсэгэй зүблөө үнгэргэбэ.
Нютаг можонуудта ниитын унаа шэнэлхэ тухай хэлсэбэ. Юрэнхылэгшын даабариин ёһоор, 2030 он болотор хотын унаа тээбэриин 85% стандартна байдалда орохо ёһотой. Энэ хэрэгтэ нэмэлтэ 150 миллиард түхэриг һомолхобди.
Тиихэдэ Ородой болон хари гүрэнэй авиакомпанинуудта адли эрхэ нүхэсэлэй асуудал хаража үзөөбди. Хүн бүхэндэ дүримүүд адли байхань шухала - аюулгүй байдалай талааршье, үри зээлиин түлөөшье, түлбэри суглуулха талааршье.
"Тээбэриин яаман хэмжээнүүдые бэелүүлжэ эхилнэ: мүнөө хари гүрэнүүдэй тээбэрилэгшэд манай харгынууд дээрэ дүрим эбдэһэнэй түлөө харюусаха болоно. Хилэ дабахадаа, үри шэри болон дүрим эбдэһэн ушарнуудые автомат түхэлөөр бүридхэхэ электронно системэ нэбтэрүүлэгдэжэ байна", - гэжэ Буряад Уласай толгойлогшо тэмдэглэбэ. Буряад Уласай толгойлогшын урид тэмдэглэһээр, 2030 он болотор харгын ажал ябуулга хүгжөөхэ түсэбөөр федеральна мүнгэнэй хэмжээн 9,2 триллион түхэриг болоно, тэрэ тоодо можо нютагуудта тэдхэмжэ - 2,7-3 триллион түхэриг. "Урид үзэгдөөгүй хэмжээн болоно. 2018-2024 онуудай урда тээхи үндэһэтэнэй түсэлһөө гурбанай нэгэ хуби шахуу ехэ", - гэжэ Буряад Уласай толгойлогшо онсолон тэмдэглэбэ.
