Буряад Уласай Арадай Хуралай ээлжээтэ сесси дээрэ Харгын жасада нэмэлтэ оролго тодорхойлхо зорилготой хуули абтаба. Олзын шэнэ оролго оруулагдаа – «уласай бюджедтэ бусад оролгонуудһаа».
Ерэхэ мүнгэн һангай жэлэй болон түсэблэлгын үедэуласай бюджет тухай хуулиин ёһоор тодорхойлогдохо. Буряад Уласай тээбэриин, элшэ хүсэнэй болон харгын байгууламжа хүгжөөхэ сайдай үүргэ дүүргэгшэ Владимир Кружихинай тэмдэглэһээр, “Улаан-Үдэ – Романовка-Шэтэ” холбоһон авто-замай участогуудые һэльбэн шэнэлхэ талаар концессиин хэлсээнэй болюулһанай дүнгөөр «Харга» ООО-һоо 1,8 млрд. түхэриг нэрлэгдэһэн авто-замайнгаа нэгэ хубиие ехэ заһабарилга хэжэ, Харгын жасада олзо оршодо нэмэлтэ мүнгэ шэглүүлхэ.
Буряад Уласай Харгын жасада олзо оршын иимэ оролго нэмэжэ байгуулха тухай дурадхагдана:
- гүрэнэй хэлсээ болюулхада гү, али Харгын жасаһаа мүнгөөр хангагдаһан объектнүүдтэ банкын лаб найдуулга нээжэ, олзогүй урьһаламжа бусаахаһаа уласай бюджедтэ ороһон мүнгэнһөө олзо оршоһоо;
- гүрэнэй хэлсээнэй гү, али харгын жасаһаа мүнгөөр хангагдадаг бусад хэлсээнүүдэй ёһо гурим эбдэһэнтэй холбоотойгоор сүүдэй шиидхэбэринүүдээр (тэрэ тоодо гүйсэдхэлэй бэшэгүүдээр) уласай бюджедтэ ороһон мүнгэнһөө олзо оршоһоо.
