Буряад Уласай Арадай Хуралай һунгамалнууд «Үншэн хүүгэдэй болон эхэ эсэгын харууһагүй үлэһэн хүүгэдэй ниигэмэй халамжа тухай» гэһэн уласай хуулиин статьяда хубилалтануудые оруулха тухай хуулиин түсэлые хоёр уншалгаар абаа. Энэ хуулиин түсэлэй зорилго хадаа уласай ажаһуугшадһаа орожо байһан хандалгануудта харюусажа, энэ бүлэг ажаһуугшадые ниигэмэй тэдхэмжэ үзүүлхэ талаар хуули ёһо нарижуулха болоно гэжэ Восток-Телеинформ бэшэнэ.
Тус хуулиин түсэлөөр Буряад Уласта байһан үншэн болон эхэ эсэгын харууһагүй хүүгэдтэ ниигэмэй тэдхэмжэдэ хабаатай хуулиие хубилгаха тухай дурадхагдана. Тодорхойгоор хэлэбэл, гэр байра худалдажа абаха талаар туһаламжада хүртэхэ аргатай зоной тоолбори үргэдхэнэ. Мүнөө байра худалдажа абахада туһалдаг тусхай үнэмшэлгэ абаха эрхэ мүн лэ Украинын, Донецкын болон Луганскын Арадай Уласуудай дэбисхэр дээрэ, Херсон, Запорожье можонуудай дэбисхэр дээрэ тусхай сэрэгэй операцида хабаадаһан, үншэн гү, али харууһагүй үхибүүн бэшэ хүнүүдэй хани нүхэртэ олгогдохо.
Хуулиин түсэлэй ёһоор, дээрэ нэрлэгдэһэн бүлэгэй эрхэтэдтэ үнэмшэлгэ түрүү ээлжээндэ олгогдохо юм. Мүнөө дээрээ шэнэ нэрэ тоолборидо ородог табан эрхэтэд тухай мэдээсэл бии.
