“Шэдитэ Байгал” гэһэн түхэреэн жэлэй амаралтын газар байгуулха гэһэн федеральна түсэл Буряад Уласта болон Эрхүү можодо бэелүүлэгдэжэ эхилнэ. «Табан далай ба Байгал нуур» гэһэн түсэлэй хэмжээндэ улас дотор хүрэнгэ оруулалтын найман үүсхэл баталагдажа, 99 миллиард тухай бюджедһээ гадуур мүнгэ татаха юм гэжэ уласай Аяншалгын яаман мэдээсэнэ.
Аяншалгын инфраструктура, тэрэ тоодо 4,6 мянган номернудые байгуулагдахаар түсэблэгдэнхэй, тиигэбэл нютагай ажаһуугшадта 2,5 мянган шэнэ ажалай һуури бии болохо. 2025 онһоо 2027 он болотор «Байгалай гавань» гэһэн тусхай эдэй засагай бүһэлүүрэй Түрхэ, Пески, Горячинск участогуудта тэдхэмжын инфраструктура хүгжөөгдэхэ, тэрээндэ ойролсоогоор 1,6 миллиард түхэриг һомологдохо түсэбтэй.
2026 оной түрүүшын кварталда 153 номертой, дүрбэн одото “Грин флоу Байгал” гэһэн түрүүшын зочид буудал аяншалагшадта нээгдэхэ.
- Байгша ондо энэ федеральна түсэлэй хэмжээндэ элшэ хүсөөр хангалгын байгууламжануудта 215 сая тухай түхэриг татажа байнабди. Энээнһээ урид Россиин Барилгын яаманай, Эдэй засагай хүгжэлтын яаманай суг хүдэлдэг нүхэдөөрөө эдэ мүнгэн бидэндэ хэрэгтэй гэжэ гэршэлхэ ехэ ажал ябуулагдаа. 2030 он болотор дэмжэлгын байгууламжада 20 миллиард тухай түхэриг татаха түсэбтэйбди, тиихэдэ 10 миллиардһаа доошо бэшэ хубиин инвестици татаха түсэбтэйбди гэжэ уласай аяншалгын сайд Алдар Доржиев тэмдэглэбэ.
