Багшын һайндэртэ дашарамдуулан, Буряад УласайЗасагай газар багшын ажалда амжалта туйлаһан,мүрысөөндэ илагша эрхим багшанарта шан барюулха хүндэдхэхэ ёһолол үнгэргэбэ. Арадай Хуралай Түрүүлэгшэ Владимир Павлов шагнал барюулгын баяр ёһололдо хабаадаа.
“Эрхим багшанарта багшын ажалда амжалта туйлаһанайнь түлөө шан барюулха, мүрысөөндэ дүй дүршэл ехэтэй, бэрхэ багшанар хабаадаа. Ехэ мүрысөөнэй оршон байдалда таанар эрхимүүдэй эрхим боложо, мүрысөөнэй илагшад болобот. Таанад эсэшэ сусашагүй ажалайнгаа, зохёохы эршэ хүсэнэйнгөө, багшын ажал ябуулгадаа үндэр дүнгүүдые туйлаха хүсэлэйнгөө ашаар үндэр мэргэжэлтэ сэгнэлтэдэ хүртөөт. Энэ хадаа болбосоролой системын хүгжэлтэдэ, болбосоролой шанар һайжаруулгада оруулһан горитойхон хубитатнай болоно. Сэгнэшэгүй ажалайтнай түлөө үнэн зүрхэнһөө баярые хүргэнэбди», - гэжэ Владимир Павлов хэлэбэ.
Арадай Хуралай Түрүүлэгшэ үндэр шанартай болбосоролдо хүрэхэ, арад зонойнгоо оюун сэдьхэлэй болон ёһо заншалта үнэтэ зүйлнүүд дээрэ үндэһэлжэ, эбтэй эетэй хүгжэһэн, ниигэмэй талаар харюусалгатай хүниие хүмүүжүүлхэдэ таатай оршон байгуулха гэһэн шэглэлнүүдэй нэгэн гэжэ Арадай Хуралай Түрүүлэгшэ онсолон тэмдэглэбэ .
