Буряад Уласай Арадай Хуралай Түрүүлэгшын орлогшо Баир Гармаев «Алтаргана -2024» гэһэн Уласхоорондын XV дугаар буряадай үндһэнэнэй нааданай Буряад Уласай зохёохы делегациин хабаадагшадта шагнал барюулгын баяр ёһололдо хабаадаба.
Парламентын гэшүүн лауреадуудые амаршалаад, 30 жэлэй туршада энэ фестиваль арадайнгаа түүхэдэ, баян соёлой баялигта дуратай, омогорходог хүн бүхэниие, буряад арадайнгаа ёһотой патриотуудые нэгэдүүлээ гэжэ тэмдэглэбэ. “Удаадахи “Алтаргана” наадан 2026 ондо манай уласай ниислэл Улаан-Үдэ хотодо эмхидхэгдэхэ. Тиин таа бидэн булта энэ һайндэрөө хүндэтэйгөөр үнгэргэхэ гэжэ бүхы хүсэ шадалаа гаргаха ёһотойбди. Таанадые, зохёохы ажалай түлөөлэгшэдые, мүнөөдэрһөө “Алтаргана - 2026” бэлдэлгэ эхилжэ, концертнэ репертуарнуудаа, тайзанай хубсаһа болон дэгэлнүүдээ шэнэлжэ, үндэһэтэнэй урлалай бүтээлнүүдые зохёожо, бүтээжэ байхыетнай уряалнаб; манай батар бүхэшүүл болон мэргэн будагшад тамирай һорилгоо эртээнэһээ хэжээхилэг лэ», - гэжэ Баир Гармаев тэмдэглэбэ.
Арадай уран бүтээлэй түб гэһэн Буряад Уласай гүрэнэй автономито соёлой эмхиин ажалшадта олон жэлдэ үнэн сэхээр хүдэлһэнэйнь түлөө Буряад Уласай Арадай Хуралай Хүндэлэлэй грамотануудые барюулба.
