Буряад Уласай Толгойлогшо Алексей Цыденов аймагаар айлшалха үедөө барилгын хэдэн объектнүүдые ошожо хараад, Баунтын эвенкын аймагай тосхонуудай ажаһуугшадтай уулзалга үнгэргөө. Россошино, Багдарин, Маловский, Малый-АмалатболонРомановка тосхонуудта тэрэ хүрэжэ ошоо.
Тиин, Россошинодо нютагай ажаһуугшад Алексей Цыденовта ФАП-та үшөө нэгэ фельдшерые эльгээхыень гуйгаа, Россошинодо аймагай бюджедэй тоосоогоор эмшэндэ байшан гэр баригдаһан байгаа, тэрэ тосхон нүүжэ ошохо бэлэн байгаа. Соёлой шэнэ байшан бариха талаар тосхоной ажаһуугшад хандаһан байгаа. Тиихэдэ Талая гол дээгүүр хүүргэ бариха талаар туһа хүргэхыень хандаа. Мүнөө дээрээ голдо уһанай соргонууд хээтэй, харин уһанай ехэ болоходо, тэдэнэр үрдингүй тосхон ороһон ори гансахан харгы уһанда абтана.
Багдарин тосхондо Маловский тосхондо һургуулиин спортзал һэльбэн шэнэлхэ талаар асуудал табигдаа. Ажаһуугшадтай уулзахын урда тээ тэрэ объект хаража, тэрэниие шиидхэхэ асуудал олдоо гэжэ Алексей Цыденов хэлээ.
Тиихэдэ Баунтын аймагта Хойто үсөөн тоото үндэһэн арадуудай тооһоо агнуури хэхэ эрхэ абажа шадангүй байна. Ангуушад агнууриин билет абажа шадахаяа болинхой, тэрээндэнь туһа хүргэхэ болоо.
