Буряад Уласай толгойлогшын болон засагай газарай захиргаанай мэдээсэлэй бодолгын талаар хороониие Доржо Банзаровай нэрэмжэтэ Буряад уласай ехэ һургуулиин залуушуулай бодолгын талаар проректор Иван Логинов толгойлбо. 2017 онһоо мүнөө болотор мэдээсэлэй бодолгын талаар хороо толгойлжо байһан Ирина Доржиева мэдээсэлэй бодолгын, олониитын харилсаанай болон ниитын түсэлнүүдэй талаар захиргаанай хүтэлбэрилэгшын орлогшын тушаалда томилогдоо.
- Мүнөө Ирина Доржиева Мэдээлэй бодолгын талаар хороон, олониитын харилсаанай болон ниитын түсэлнүүдэй талаар шэнээр байгуулагдаһан таһаг залан хүтэлхэ болоно. Шэнэ таһаг байгуулхада захиргаанай тоо нэмэгдээгүй, эмхиин дотор штатна единицэнүүдые шэнээр хубаарилһанай тоосоогоор болоо, - гэжэ уласай засагай газарай хэблэл мэдээсэлэй албанда тэмдэглээ.
Ирина Доржиевагай урда табигдадаг зорилгонуудай тоодо хүүгэдые эсэгэ орондоо дуратайгаар хүмүүжүүлхэ, нютаг можын нэрэ хүндые үргэхэ талаар яаманууд болон албан зургаануудтай хамта зохёон байгуулга болон үнгэргэлгэ, мүн баһа эрхэтэдэй ниигэм хүгжөөлгэдэ шэглүүлэгдэһэн түсэлнүүдые бэлдэлгэ болоно.
