Уласай парламентын даргаВладимир Павлов Буряад Уласай Арадай Хуралай зургаадахи зарлалай ээлжээтэ гушадахи сесси зарлаха тухай захирамжада гар табяа.
Тэрэ бэшэг баримтын ёһоор, Буряад Уласай хуули гаргалгын зургаанай һунгамалнууд 2023 оной июниин 29-дэ 9:00 сагта Улаан-Үдэ хотодо ударидаха зүблэлэй зүблөөндэ сугларха.
Уридшалһан хэлсэгдэхэ асуудалнуудай тобьёгто 11 асуудал тоологдоно. Тиин, һунгамалнууд “Буряад Уласта эрдэм ухаанай болон эрдэм техникын ажал ябуулга тухай” Буяад Уласай хуулиин түсэл хаража үзэхэ.Сесси дээрэ тус хуули хоёрдохи уншалгада хаража үзэгдэхэ, түрүүшын уншалгань март соо болоһон сессидэ абтаһан байгаа юм. Энэ хуулиин урдахи найруулгань 1996 оной ноябриин 27-до абтаһан байгаа, харин мүнөө дээрээ шэнэлэгдэхээр болоо, хубилалтануудые оруулжа байнхаар шэнэ хуули абаһан дээрэ болоо юм.
Тиихэдэ хуули ёһоной түлбэригүй туһа хүргэхэ тухай хуулида заһалтанууд оруулагдаха. Тэрэ хуулида статья орохо, тэндэнь интернет-хулгайшадһаа хохидоһон хүнүүдтэ юристын түлбэригүй үйлэшэлгэдэ хандаха аргатай болгохо тухай хэлэгдэнэ.2022 оной туршада болон 2023 оной үнгэрһэн үе соо энэ талаар гэмтэ хэрэгүүд ехэ боложо байһан тухай мэдээ байна. Хэрбээ 2022 ондо 3 % дээшээ (2021 ондо 3 389 урдаһаа 3 494) байгаа гээшэ һаа, байгша ондо – 20,8 % болоо. Жэлэй эхинһээ хойшо 3 һарын турша соо уласай газар дэбисхэртэ оньһото мэдээсэлэй-телекоммуникационно технологи хэрэглэлгэтэйгээр 1 046 гэмтэ хэрэгүүд бүридхэлдэ абтаа, урда жэлдэ энээхэн лэ үедэ 866 байһан байна. Жэл бүри дүрбэнэй нэгэл гэмтэ хэрэгынь элирүүлэгдэнэ.
