Улаан-Үдэдэ Д. Аюшеевэй нэрэмжэтэ хүгжэмэй-хүмүүнлигэй лицейдэ нүүдэл зүблөөнэй үедэ Буряад Уласай толгойлогшын дэргэдэхи Эмэгтэйшүүлэй зүбшэлэлгын зүблөөн 2022 онойнгоо ажалай дүнгүүдые гаргаа. Тэрэ зүблөөндэ уласай аймагуудай түлөөлэгшэдшье оролсоо гэжэ Буряад Уласай засагай газарһаа һабагша татан Восток-Телеинформбэшэнэ.
Түсэбэйнгөө ёһоор, зүблэлэй ажалай бүлгэмүүд Буряад Уласай гурбан аймаг – Зэдэ, Кабанск, Хэжэнгэ ошоһон байна, тэндэ гүрэнэй үндэһэн түсэлнүүдые, мүн баһа хүн зоной ниигэмэй үүсхэлнүүдые бэелүүлжэ болохоор гэжэ тэмдэглэгдэһэн байгаа. Үнгэрһэн суглаанда, зүбшэлэлгын зүблэлэй эмэгтэйшүүлэй элидхэлнүүдтэ гансата бэрхэшээлтэ асуудалнууд тэмдэглэгдэхэһээ гадна “Соёл”, “Болбосорол”, “Элүүр мэндэ”, “Хүн аманай тоо” гэһэн гүрэнэй үндэһэн түсэлнүүдэй харуулалтануудай һайн таланууд хэлэгдээ.
Бэрхэшээлтэ асуудалнуудай тоодо хүнэй нөөсын дутагдал, хүдөө орон нютагуудһаа залуушуулай гаран ябалга, эзэгүй хүдөө газарнуудые ашаглалда оруулгын доогуур байлга хэлэгдээ. Һайн талануудай тоодо Зэдэ аймагта захиргаанай багаараа хүдэлхэ арга, аймагай түб эмнэлгэ, мүн баһа “Баяр” гэжэ хүүгэдые ниигэмэй талаһаа туһа хүргэхэ зорилготой гэр бүлэнүүдые болон ерээдүйн шэнэ халааниие ажалаар хүмүүжүүлхэ талаар ажал һайнаар табигдаһан түб ашаглалда оруулһан тухай хэлэгдээ.
