Мүнөөдэр Буряад Уласай Арадай Хуралай дэргэдэхи Залуушуулай танхимай ээлжээтэ гурбадахи сесси боложо үнгэрөө. Ударидаха зүблэлые тэрэнэй түрүүлэгшэ Александр Бардунаевхүтэлбэрилөө.
Тус сессиин тон шухала асуудалынь болбол Буряад Уласай Арадай Хуралай дэргэдэхи Залуушуулай танхимай, Эрхүү можын Хуули гаргалгын Хуралай дэргэдэхи Залуушуулай танхимай болон Үбэр Байгалай хизаарай Хуули гаргалгын Хуралай дэргэдэхи Залуушуулай танхимай хоорондо гурбан талын хамтаран ажаллаха тухай хэлсээ баталалга болоо юм.
Иимэ шухала бэшэг баримтада гарай үзэг зурахаяа Эрхүү можоһоо залуу парламентаринуудай түлөөлэгшэд тус нютаг можын хуули гаргалгын хуралай Залуушуулай танхимай хүтэлбэрилэгшэ Иван Комельковой ударидалга доро зорюута хүрэжэ ерэһэн байха юм. Видеоконференциин аргаар Залуушуулай танхимай ажалда Шэтэ хотоһоо хамта ажаллагша Анастасия Чупрова оролсоо.
Буряад Уласта уриһандатнай ехэ баяртай байнам. Хуули гаргалгын ажал ябуулгадамнай залуушуулай танхимуудай энэ ехэ шухала уулзалга болоно. Имагта залуушуулай бодолго тухай федеральна хуулиин абатаһан байхада бүришье удха шанартай. Эрхүү можо тус федеральна хуулида түрүүшүүлэй тоодо зарим хубилалтануудые оруул һэн, - гэжэ Иван Комельков мэндэшэлгын үгэ соогоо тэмдэглэһэн байна.
Залуу парламентаринуудай һанаагаар, Гурбан талын хэлсээн залуу хуули гаргагшадай бүри дүтэ харилсаха үндэһэн бэшэг баримта болоно. Хамтаран ажаллаха сэгүүд болбол Байгал нуур хамгаалха, парламентын һургуулиһаа эхилээд эсэгэ ороншо болон экологиин залуушуулай хүмүүжэл хүрэтэр асуудалнууд болохо ёһотой.
