Арадай Хуралай Түрүүлэгшэ Владимир Павлов ХОУ-гай Гүрэнэй Дүүмын залуушуулай талаар бодолгын хорооной нүүдэл зүблөөндэ оролсоо. Буряад Уласай гүрэнэй засагай зургаануудай тон шухала болон түрүү ээлжээнэй шэглэл болбол залуушулай бодолгын хүгжэлтэ мүн гэжэ тэрэ өөрынгөө хэлэлгэ соо тэмдэглээ гэжэ Восток-Телеинформбэшэнэ.
Тэрэнэй хэлэһэнэй ёһоор, залуушуулай бодолго хүгжөөлгэ гэбэл, залуушуулай хүгжэлтэдэ болон юумэ шадаха болохо эрхэ нүхэсэлнүүдые байгуулгада шэглүүлэгдэнэ. “Залуушуулай бодолго тухай хуули Арадай Хуралай абаһанда туһа болоно, тэрэнь залуушуулай бодолгын талаар харилсаа гуримшуулдаг, гүрэнэй талаһаа дэмжэлгэ үзүүлдэг болон залуушуулай бодолго бэелүүлхэдэ хэрэгтэй бүхы асуудалнуудые хангадаг”, - гэжэ тэрэ тэмдэглээ.
Буряад Уласай Засагай газар бэеын тамир болон спорт, залуушуулай бодолго хүгжөөлгын гүрэнэй хүтэлбэри абаһан байна, тэрэнь залуушуулай хүсэн шадалые нээхэ гэһэндэ зорюулагдаһан гээшэ. “Арадай Хуралда залуушуулай талаар хороон хүдэлдэг, тэрэниие Инна Ивахинова хүтэлбэрилдэг, тэрэ болохоороо Гүрэнэй Дүүмын залуушуулай танхимда Арадай Хуралай түлөөлэгшэнь болодог юм. Манай хоёр гэшүүд, Александр Бардунаев болон Сергей Дорош хоёр Федерациин Зүблэлэй дэргэдэхи залуушуулай танхимай гэшүүд болодог юм гэжэ тэрэ хэлээ. – Буряад Уласта 295 мянган залуушуул байна. Тоонь эрид олон болоһон байха юм, сасуулаад үзөө һаа, 2020 ондо 208 мянган байгаа юм. Манай эндэ федеральна хүтэлбэринүүд бэелүүлэгдэдэг, тэрэнь залуушуулай тоогой нэмэхэдэ туһа нэмэри үзүүлнэ. Бодото байдал дээрэ залуу хүнүүд өөрынгөө бэлиг шадабариие харуулжа, түрэл Буряад оронойнгоо һалбаран хүгжэлтэдэ горитой хубитаяа оруулна”.
