Буряад Уласай Толгойлогшо Алексей Цыденовиюниин 12-то – Ород Уласай үдэртэ “Бидэ – Ород уласай эрхэтэд” гэһэн бүхэросиин акцида оролсоо. Акциин гол үйлэ хэрэгынь болбол Буряад Уласай ажаһуугшадта паспортнуудые гардуулга болоо юм гэжэ Буряад Уласай хэблэл мэдээсэлэй албанай холбоосоор Восток-Телеинформ мэдээсэнэ.
Ород драмын театрай тайзан дээрэ уласай толгойлогшо Алексей Цыденовэй, Арадай Хуралай түрүүлэгшэ Владимир Павловай болон Улаан-Үдэ хотын мэр Игорь Шутенковой гарһаа энэ наһанайнгаа паоспортнудые 20 арбан дүрбэн наһатай ажаһуугшад хүртөө. Эдэнэр хэд болоноб гэхэдэ, һуралсалдаа болон олониитын ажаябуулагда юнармейн, кадедуудай (хасаг) отрядуудай түлөөлэгшэд, Буряад Уласай аймагуудай һурагшад болоно.
- Мүнөөдэр таанар Ород Уласай эрхэтэнэй анха түрүүшынгээ өөһэдынгөө паспорт абабат, зүгөөр таанр булта Ород Уласай ажаһуугшад боложо түрэһэн байнат. Таанар агууехэ гүрэнэй эрхэтэд болонот гэжэ ойлгохо ба мэдэржэ байхыетнай хүсэнэб. Бидэ хирэ болоод лэ, “агуу Ород улас, ехэ гүрэн” гэжэ хэлэнэбди. Бидэндэ эдэ үгэнүүд дадамал байна, эдэ үгэнүүдэй удхада ехэ анхаралаа хандуулнагүйбди, гэхэдээ таанар эдэ үгэнүүдые мэдэрэгты – Ород гүрэн – үнэн дээрээ агуу улас,дэлхэйдэ эгээл томо гүрэн байхаһаа гадна, манай гүрэн ходо бэеэ дааһан, ходо тусгаар тогтонолтой, хүнүүдые хамгаалдаг гүрэн мүн. Ород гүрэндэ хэзээдэшье колони ба эрхэ сүлөгүй арадууд байгаагүй. Ород улас – хододоо нэгэдэмэл гүрэн. Бүхы арадууд, бүхы үндэһэ яһатан эб хамта, найрсаг ажаһуудаг.
Тиихэдэ энэ үдэр Алексей Цыденов апрель соо Красноярск хотодо үнгэрһэн залуушуулай Дельфиин нааданай шангай һууринуудта хүртэгшэдтэ баярай бэшэгүүдые барюулаа. Уласай зохёохы ажалай түлөөлэгшэд нааданай гурбан медальнуудта хүртэһэн байха юм.
