Үнгэрһэн сессин ажал тухай Арадай Хуралай Түрүүлэгшэ Владимир Анатольевич Павлов тодорхойгоор хөөрэһэн байна. Энэ сессидэ 52 асуудал бодхоогдоо, 17 постановлени, 33 хуулиин түсэл түрүүшын мүн хоёрдохи уншалгада харагдаа. Эгээл шухала асуудал гэхэдэ – энэмнай буряад Уласай бюджет тухай.
-Нижнеангарск болон Таксимо хүрэтэр агаарай онгосо ниидэхэ хэрэгтэнь туһаламжа. Тиигээгүй һаа тус эмхи панхаруутаха, ажаһуугшадшье билет абажа диилэхэгүй. Тиимэһээ бидэ тэдэниие заатагүй дэмжэхэ ёһотойбди, - гэжэ Арадай Хуралай Түрүүлэгшэ Владимир Анатольевич Павлов хэлэбэ.
Үшөө тиихэдэ олзын хэрэг эрхилэгшэдые дэмжэхэ тухай хэлсээн болоһон байна. Эндэ хэлсэгдэһэн асуудалнууд Засагай газарта, эконимикын талаар штабта дамжуулагдаха.
-Хорото хамшагай дэлгэржэ тарахада туһаламжын талаар бидэ яһала олон хэмжээ ябуулгануудые хэһэн байнабди. Ород Уласай һанһаа бидэ 12 млрд түхэриг наашань оруулаабди. Тэдэнэйнь 1 млрд түхэриг олзын хэрэг эрхилэгшэдые дэмжэхэ хэрэгтэ шэглүүлээбди, - гэбэ Владимир Павлов.
Буряад Уласай Арадай Хуралай сесси апрелиин хуушаар хоёр үдэрэй туршада боложо үнгэрхэдэнь, hунгамалнууд аяар 50 гаран асуудалнуудые хаража шиидхэhэн байнад.
