“Буряад Уласай конституцида заһабари” оруулха тухай Арадай Хуралай һунгамалнууд баталба. Энэнь Буряад Уласай конституци Ород Уласай хуулида адли болгохо зорилго.
Гүрэнэй эмхи зургаануудай ажал гуримшуулха гэжэ эндэ хэлсэгдэнэ. Буряад Уласай Толгойлогшо эгээл дээдын засаг баригша болоно. Буряад Уласай Толгойлогшо хоёр удаа һунгагдаха ёһогүй гэһэн хуули болюулагдаба. Тус хуулиин ёһоор буряад Уласай Толгойлогшо хэдышье дахин һунгагдажа энэ ажалдаа хүдэлхэ аргатай болобо.
-Шэнэ хуулиин ёһоор Толгойлогшо аймагай засаг дарганарта хуулиин догодолго хэхэ, бурууень заажа үгэхэ аргатай болобо. Аймагай засаг дарганарай ажалаа муугаар ябуулбалань тушаалһаань буулгаха аргатай болобо.
Буряад Уласай Толгойлогшын уялгануудые саг зуура дүүргэжэ ябаһан тушаалтанда мүн лэ энэ хуули хүсэтэй, - гэжэ Арадай һунгамал Сергей лоенов тайлбарилана.
Конституциин 5-дахи хэһэгтэ мүн лэ нэмэлтэ оруулагдаба. Тэрэнэй ёһоор һунгамалнууд Счётна палата бүридхэхэ болоно.
Буряад Уласай Арадай Хуралай сесси апрелиин хуушаар хоёр үдэрэй туршада боложо үнгэрхэдэнь, hунгамалнууд аяар 50 гаран асуудалнуудые хаража шиидхэhэн байнад.
