Владимир Жириновскийн нэрэ Улаан-Үдэ хотын нэгэ үйлсэ, гудамжа нэрлэхэ тухай дурадхал оробо. Владимир Жириновскийн нэрэ хотын нэгэ үйлсэдэ гү, али ямар нэгэн сэсэрлигтэ олгуулха тухай, Арадай Хуралда ЛДПР намай фракциин хүтэлбэрилэгшэ Сергей Дорош хэлэбэ. Арадай Хуралай ээлжээтэ сесси, Владимир Жириновскийн наһа бараһан ушарһаа, тэрэниие шэмээгүй зогсолтоорэхиеэ абаба.
-Мүнөөдэр – апрелиин 25-да Владимир Вольфович 76 наһа хүрэхэ байгаа. Хүндөөр үбшэлжэ наһа бараһаниинь харамтай. Нэгэ хараа бодолтой ЛДПР намайхид бэшэ, харин хэдэн олон сая манай ажаһуугшад тэрэнэй наһа бараһан ушараар гашуудана. Ород Уласай парламентын хүгжэлтэдэ сэгнэшэгүй хубитаяа оруулһан зоной нэгэн. Мүнөө үеын эгээл мэдээжэ, аша үрэтэй политигуудай нэгэн ябаа. Тэрэнэй нэрэ бидэнэй мүн бүхы ажаһуугшадай зүрхэ сэдьхэлдэ мүнхэ үлэхэ, - гэжэ Сергей Дорош тэмдэглэбэ.
ЛДПР намайхид Улаан-Үдэ хотын захиргаанда, Буряад Уласай Толгойлогшодо хотын нэгэ үйлсэ, гудамжа Жириновскийн нэрээр нэрлэхэ тухай хандаба.Владимир Жириновский гансал политик бэшэ харин эрдэм шэнжэлэгшэ, сэрэгэй полковник зэргэтэй юм һэн.
