Буряад Уласта жэжэ болон дунда бизнес хүгжөөлгэ болон дэмжэлгын асуудалнуудые уласай толгойлогшо Алексей Цыденов олзын хэрэг эрхилэгшэдтэй уулзалгада зүбшэн хэлсээ. Очно болон онлайн түхэлтэй уулзалгада бизнесэй элдэб һалбариин олзын хэрэг эрхилэгшэд, мүн баһа уласай засагай зургаануудай болон Буряад Уласай Худалдаанай-үйлэдбэриин танхимай түлөөлэгшэд оролсоо юм.
– Мүнөөдэр танда юун болоноб ба юугээр таниие дэмжэхэ хэрэгтэй бэ гэжэ хөөрэлдэхэеэ һананаб. Ямаршье ушарта бидэ урагшаа дабшаха ёһотойбди. Бизнестэ ямар нэгэ эрид нүлөө үгэхэ ямар нэгэ һаад үгы байна. Хамта хүдэлжэ, бүхы юумэ шадахабди гэжэ би этигэл дүүрэн байнам, – гэжэ Цыденов бултанда хандаа.
– Тэрэнэй тэмдэглэһэнэй ёһоор, федеральна засагай зургаанууд болон Буряад Уласай Засагай газар Украинада болоһон байдалһаа боложо, хизаарлалтын эрхэ нүхэсэлдэ олзын хэрэг эрхилэгшэдтэ бүхы хэрэгтэй туһаламжа үзүүлхэ бэлэн.
– Хинаха шалгаха зургаануудай талаһаа бизнес ямар нэгэ шалгалтада хориг оруулхаар хараалагдана. Мүнөө тиимэ түсэбүүдые федеральна зургаанууд бэелүүлжэ эхилхэ. Тиимэһээ амгалан хүдэлхэбди, манай эндэ бизнесэй, банкын системын доторхи ажалай талаар гүрэн соо юуншье һэлгээгүй. Бүхы банкнууд хүдэлнэ, түлбэринүүд хэгдэнэ ба энэ талаар гүрэндэ нөөсэ байгаа, байхашье болоно, – гэжэ уласай толгойлогшо тэмдэглээ.
