Буряад Улас руу аяншалагшадтай рейснүүд үргэлжэлhөөр байха. Мүнөөдэр, сентябриин 2-то Владивосток хотодо Зүүн зүгэй экономическа хуралдаан дээрэ «Байгалай мүльhэн ба Буряадай наран» гэжэ үбэлэй сагай чартерна рейснүүдээр хэлсээн баталагдаба. Буряад Уласай толгойлогшо Алексей Цыденов, Холбоото уласай аяншалгын агенствын хүтэлбэрилэгшэ Зарина Догузова ба «ТТ-Трэвел» гэжэ хизаарламал харюусалгатай бүлгэмэй гол ударидахы хүтэлбэрилэгшэ Тарас Демура гэгшэд энэ хэлсээ баталба.
Эрилтэ нёдондо дурадхалhаа ехэ байгаа. Мүнөө уластамнай чартернэ рейснүүдые угтан абажа, аяншалагшадые байрлуулха газар дуталдана, тиимэhээ олоор ерүүлнэгүйбди. Тиигэбэшье, энэ дурадхалай hайгаар зохид буудалнуудые бариха инвесторнуудhонирхол татаа. Энэ хуралдаан дээрэ уластамнай зохид буудал бариха хэлсээ баталнабди.
Ростуризмын дэмжэжэ байhан болон «TUI Россия» гэhэн бүхы гүрэнэй чартерна түсэб хангадаг агентствын бэелүүлжэ байhан хэрэг Буряад ороной хүгжэлтэдэ ехэ түлхисэ болоно. Тиимэhээ аяншалагшад олоор ерэхэ, шэнэ маршрутнууд бии болохо, бизнес нээгдэжэ ба хүгжэжэ эхилхэ. Ехэ hайн гээшэ, - гэжэ Буряад Уласай толгойлогшо Алексей Цыденов элирүүлжэ үгэбэ.
