Буряад Уласай толгойлогшо Алексей Цыденов Улаан - Yдэ хотын уhанай үер тухай хэлэжэ үгэбэ. Улаан- Yдэдэ уhан нэмэнэ, харин ехээр үерлэхэгүй байна, - гэжэ Восток-Телеинформ тэмдэглэhыень дуулгаба.
- Мүнөө уластамнай 612 хорой соохи газарнууд уhан соо, 114 гэрнүүдтэ уhан шала дээрэнь гараад байна. Уhан Улаан – Yдэдэ нэмэhээр зандаа. Шулуу,эльhэ обоолжо набтар газарнуудые үндылгөөбди, харин голой эръе, хаалта далангуудай бэхилэлтэ хэжэ, олон гэрнүүдые аршалжа шадаабди. 1800 гэрнүүд уhанда абтаха аюултай байгаа, - гэжэ уласай толгойлогшо хэлэжэ үгэбэ.
Засаг захиргаан байдал ажаглаhаар байна. Хүн зонтой ажал ябуулагдана, ехэ уhанай ерээ hаань, хайшан гэхэеэ бултадаа мэдэнэ. Эд бараагаа алдаhан ажаһуугшадта – хүн бүхэндэнь 10-50-100 мянган түхэригэй тэдхэмжэ түлэгдэхэ.Хэды түхэригэй тэдхэмжэ түлэгдэхэб гэжэ онсо байдалай талаар комиссиин шиидхэбэреэр элирүүлэгдэхэ.
Наушки, Хоронхой нютагай арад зонтой уулзажа хөөрэлдөөбди. Тэдэнэй түлеэн уhанда абтажа ябашоо. Эдэ ажаhуугшадта түлеэгээр туhалхабди, гэр бараагаа хатаахыень дулаасуулгын түхеэрэлгэнүүдээр хангахабди. Дизель түлөөhэгүй байха. Арад зондоо хэрэгтэй туhа хүсэд хүргэхэбди,- гэжэ Алексей Цыденов онсолон тэмдэглэбэ.
Наhатай, гансаараа байдаг хүнүүдтэ туhа хүргэхэ зон хэрэгтэй. Хорой соогуур шорой, уhанай тунадаhан ехэ. Ажал хэхэ гарнууд дутана. Буряад орондомнай hайн сэдьхэлтэй зон олон. Ерэжэ туhалжа байhан волонтёрнуудта баяраа хүргэнэб, - гэжэ А.Цыденов хэлэнэ.
