Буряад Уласай толгойлогшо Алексей Цыденов Зүүн зүгэй экономическа хуралдаан дээрэ Сэлэнгын аймагта олдоhон Наранай флюорит ашагта малтамалай хүгжөөлгын талаар хэлсээ баталба. Энэ Наранай флюорит ашаглалгын ехэ инвестиционно түhөө Яруунын аймагта Эгэтын ашагта малтамал үйлэдбэри ашаглалда оруулhан «Друза» гэжэ хизаарламал харюусалгатай бүлгэм бэелүүлнэ.
- Мүнөө энэ бүлгэмСэлэнгын аймагта Наранай флюорит гэжэ ашагта малтамалда ороно, энэнь Эгэтын малтамалhаа 5 дахин ехэ.Энэ ехэ түhөө, тиимэhээ түргэн бэелүүлэгдэhэй гэжэ найданабди. Эндэ шэнэ ажал хүн зондо гараха, аймагай бюджедтэ налогшье орохо болоно. Сэлэнгын аймагай хүгжэлтэдэ шангахан урмашуулга болоно, - гэжэ Алексей Цыденов онсо тэмдэглэбэ.
Энэ түhөөдэ 3,5 миллион түхэригэй мүнгэн hомологдохо байна. «Друза» гэжэ хизаарламал харюусалгатай бүлгэм саг соогоо мүнгэеэ hомолхо байhанаа гэршэлээ. Бүхы түhөөнүүд эрилтээрээ бэелүүлэгдэхэ.
Форум Владивосток хотодо үнгэрнэ гэжэ hануулая. Буряад Уласые тэндэ ехэ делегаци түлөөлжэ ошонхой, хэдэн олон хэлсээнүүд баталагдаад байна. АПК-гай талаар Буряад Улас Челябинскын можотой хэлсээ баталаа – тэдэнтэй Буряад оромнай шэнэ оньhон түхеэрэлгэнүүдээрээ андалдаха болобо.
