Правлениин түрүүлэгшын орлогшотой Буряад Уласта газ оруулха асуудал зүбшэн хэлсэбэ. Оросой Холбоото Уласай Алас Дурнын болон Арктикын хүгжэлтын талаар министрэй түрүүшын орлогшо Гаджимагомед Гусейнов, Буряад Уласай толгойлогшо Алексей Цыденов болон «Газпром» гэжэ хуби ниилүүлhэн нээмэл бүлгэмэй Правлениин түрүүлэгшын орлогшо Виталий Маркелов гэгшэд «Газпром» гэжэ хуби ниилүүлhэн нээмэл бүлгэмэй Буряад Уласай Засагай Газартай хамта ажал ябуулха тухай асуудал зүбшэн хэлсэбэ.
- Энэ үнинэй хүлеэгдэhэн уулзалга ба хэмжээ ябуулга болоно. Манай уласта газ оруулха асуудал ехэ удха шанартай. Газ ябуулха hужаа татаха тухай олон аргануудые хаража үзэнэбди. Монгол соогуур Хитад гүрэн руу газай hужаа татагдахадань, бидэшье газта орохо аргатай болонобди, -гэжэ Алексей Цыденов дуулгана.
Буряадай толгойлогшо мүнөө cагта газтай болохо хэрэгтэ улас түрүүшын алхамуудые хэжэ эхилбэ гэжэ тэмдэглэбэ. Шэнэ hургуулинууд ба хүүгэдэй сэсэрлигүүд газаар дулаасуулагдаха түхеэрэлгэнүүдээр хангагдана.
- Мүнөө сагта Алас Дурнын холбооной тойрогой 23,8 % газаар хангагданхай. Энэ тоо баримтаар бага гээшэ. 2030 он болотор 40% газаар хангагдаха ёhотой гэжэ В.Путин зорилго табинхай, - гэжэ Гаджимагомед Гусейнов тэмдэглээ.
