Буряад Уласай Толгойлогшо Алексей Цыденов Ород Уласта Израилиин онсогой ба бүрин эрхэтэ элшэн сайд Александр Бен Цвитай уулзалга үнгэргөө. Эбтэ гүрэнтэй уласай харилсажа боломоор шэглэлнүүд зүбшэн хэлсэгдэhэн байна.
- Израилиин арад зондо Байгал далай хүрэжэ ерэхэнь һонирхолтой ёhотой, Ородой Холбоото Уласай болон Израилиин мүнөөнэй дипломатическа болон түүхын нягта холбоо харилсаа харан хэлэнэб. Гэхэтэй хамта, Израильтай ганса аяншалагшадые хүлеэн абаха, аяншалгын компанинуудтай холбоо харилсаа тогтоохо талаһаа бэшэ, харин инвестици оруулалтын талаһаа харилсахаяа бэлэн байнабди. Израилиин бизнес Буряад Уласта зоной буудаг байшангуудай фонд хүгжөөхэ хэрэгээр hонирхожо болохо. Израиль гүрэнэй эрхэтэдтэ ашагтай аяншалгын болон амаралгын түхэлэй тусхай эдэй засагай зоно бидэндэ бии, - гэжэ Буряад Уласай Толгойлогшо тэмдэглээ.
Гэхэтэй хамта, Алексей Цыденов Александр Бен Цвида эмшэлгын талаар харилсаха боломжо хаража үзэхыень дурадхал оруулаа. Буряад Уласта мүнөө сагта Ядерна ухаанай эмшэлгын түб барижа байнабди. Нээгдэһэнэйнь hүүлдэ израилиин клиникатай хабдарта үбшэн эмшэлхэ талаар дүй дүршэлөө андалдаха, хамтаран ажаллаха арга боломжо хаража үзэнэбди, - гэжэ хэлэбэ.
Израилиин посол Буряал Уласһаа тон һайхан сэдьхэлдэл үлөө гэжэ мэдүүлээ.
