Арадай Хуралай hунгамалнууд Кабанскын ба Байгал шадарай аймагуудаар ажалай хэрэгээр ябаба. Дээдэ Хуралай гэшүүд хартаабха болон овощ ургуулдаг «Гарантия-2» гэжэ Буряад Уласта ба Yбэр Байгалай хизаарта эгээл томо үйлэдбэрииин зургаанда хүрэбэ. Нёдондо жэлдэ энэ үйлэдбэрииин газарта 11800 тоона хартаабха, 4 611 тонно морхооб, свёкло ба хапууста ургуулаа. Энэ жэлдэ тарилгын талмай ехэ болгогдоо.
Yйлэдбэрииин газарай агроном Иван Кузнецов хартаабха болон бэшэ овощнуудай сортнууд тухай тодорхойгоор хөөрэжэ үгэбэ. Һунгамалнуудай анхарал уhалууриин hужаа татаа. Хуурай, ганданги манай уларилда овощнуудай hайн ургаса абахань аргагүй. Тиимэhээ, манай ажахыда мүнөө үеын уhалууриин hужаа бии. Уhалууриин диаметр 1600 метр шахуу болодог.
-Энэ амаргүй ехэ талмай гээшэ, нэгэ дороо 212 гектар газар уhалагдадаг. Иимэ техникэ хүдөө ажахы бүхэн хэрэглэхэ арга шадалтай бэшэ. Хүдөө ажахын ургамал уhалууриин шанарhаа ехэ дулдыдадаг. Һайн уhалуури - hайн ургаса гээшэ, - гэжэ hунгамал Найдан Чимбеев тэмдэглээ.
Yйлэдбэриин эрхилэгшэ Михаил Пешков үйлэдбэриин байрануудаа ба овощ хадагалдаг газарнуудаа харуулаа. Сэбэрлэхэ, угааха, амhарталха техническэ хэрэгсэлнүүдээр хангагданхай овощ хадагалдаг ехэ байра бариха түсэб энэ үйлэдбэриин газарта табигданхай. Хамта дээрээ барилгын түсэлэй сэн 400 миллион түхэриг болоно. Барилгаяа 2021 ондо эхилжэ, 2022 ондо дүүргэхэ түсэбтэй.
