Румын Уласай һунгамал Игнат Мирон Демьянович Буряадай Арадай Хуралай спикер Цырен-Даши Доржиевтай уулзаба. Тэрэ «Раздайся, корогод» гэһэн хуушан мүргэл баримталагшадай уран һайханай уласхоорондын урилдаа хараха гэжэ наашаа морилһон байна. Үндэр айлшан Буряад Улас, Байгал далай тухай һанамжануудаараа хубаалдаба. Тэрэнэй хэлэһээр, Буряад уласта ажамидаржа байһан хуушан мүргэлтэнтэй үргэн харилсаа залгаха зорилго эндэ тон түрүүн табигдаһан байба. Арадай Хуралай түрүүлэгшэ өөрын талаһаа, улас түрын парламентын зүгһөө энэ хэрэгые ехэтэ дэмжэжэ байһанаа мэдүүлбэ. Хоëр талын хани барисаа улам бэхижүүлхэ шухала гээд тэмдэглэбэ.
Хөөрэлдэхэ сагтаа бэрхэшээлнүүдэй адли байһые онсо тэмдэглэһэн байна. Румын уласта ажамидаржа байгааша липован яһатанай ород хэлэеэ мартажа байһыниинь харамтай, харин түрэл орондоо буряад хэлэеэ мартажа байгаашань бүришье голхоролтой. Ородой хуушан мүргэлтэнэй үхи хүүгэд хото город ошоходоо хэлэеэ алдажа, олонхи ушарта румын хэлэндэ ороно. Теэд хэлэн тухай хүндүүлхэй асуудалай нютаг дээрээ һууһан буряадуудта хабаатайнь гайхалтай гэжэ Буряадай парламентын түрүүлэгшэ Цырен-Даши Доржиев һанагшаараа хубаалдаба.
