Улаан-Удэдэ табадахи зарлалай Арадай Хуралай ээлжээтэ бэшэ хуралдаан июниин 6-да үнгэрбэ. Үзэмжэдэ дүрбэн асуудал табигдаа, тэрэ тоодо Буряад Уласай толгойлогшые һунгалта тухай асуудал оролсобо. Мэдээсэлэй «Восток-Телеинформ» агентствын сурбалжалагшада уласай һунгуулиин комиссиин түрүүлэгшэ Дмитрий Ивайловскиин ойлгуулһаар, энэ үдэртэ парламентын гэшүүд һунгалтын хаһа нээбэ. Буряад Уласай «Буряад Уласай Толгойлогшые һунгалта тухай» хуулиин 5-дахи хүсэнэгэй «2» дугаарта пунктын ëһоор, гансал Арадай Хурал энэ тушаалда дэбжүүлэгшэдэй һунгалтын үдэр тунхагладаг жэшээтэй.
Гүрэн түрын хуули ëһын 3-дахи хүсэнэгэй пунктын эрилтээр Ородой Холбоото Уласай орон можонуудай захиргаанда дэбжүүлэгшэдые һунгалта тушаалайнгаа хаһа эсэслэхэ жэлэй сентябриин хоëрдохи амаралтада тудуулагдаха ëһотой. Тиигээд бодоходо, 2017 ондо энэ үдэр сентябриин 10-да тудана. Ивайловскиин тэмдэглэһээр, һунгалтын үдэр тушаа тогтоол хэблэлдэ табигдаһан сагһаа хүсэндөө орохо. Тус данса июниин 7-до хэблэлдэ гараха байха гээд хүлеэгдэнэ. Тэрэ гэһээр кандидадуудые дэбжүүлгэ эхилжэ, һунгалтын идахалганууд ябуулагдажа захалха байха.
