Буряад Уласай Толгойлогшо Алексей Цыденов Баргажанай аймагай Максимихада шэнээр баригдаһан спортивна ордондо нютагай ажаһуугшадта “түлбэригүй сагуудые” бии болгохо тухай даабари үгөө. Февралиин 17-до, четвергын үдэр аймагай ажаһуугшадтай Алексей Цыденовуулзаха үедөө Максимиха һууринда шэнэ спортивна ордон тухай асуудал ниитын сүлжээнэй хэрэглэгшэһээасуудал ороһон байна. “Спортивна ордон хэзээ нээгдэхэ бэ, тэндэ ороходо түлбэритэ байха гү, али түлбэригүй гү, хэлээд үгыт”, – гэжэ Баргажанай аймагай ажаһуугша Сергей Суханов асууһан байха юм.
Спортын болон залуушуулай бодолгын сайд Иван Козырев иигэжэ дуулгаа, спортын ордоной барилга дүүрэхэ тээшээ боложо байна, суглуулагдамал команднуудай бэеэ һорилгын тула энэ зорюулалтатай юм. Зүгөөр Алексей Цыденов сайдай хэлэжэ байхада түр зогсоогоод, нютагай ажаһуугшадта энэ объект түлбэригүй заабол болгохо тухай даабари үгөө.
– Энэ минии даабари гэжэ ойлгогты. Мэргэжэлэй манай тамиршадай һорилгын хажуугаар нютагай ажаһуугшадта түлбэригүй сагууд байха ёһотой бшуу. Энэ заатагүй хэгдэхэ ёһотой, зүбшэн хэлсэхэшье хэрэггүй, – гэжэ Алексей Цыденов хэлээ.
Максимихада томохон спортивно түб “Спорт – ажамидаралай нормо” гэһэн федеральна хүтэлбэриин ёһоор баригдаа. Тус объект ашаглалда тушаагдаа ба энэ хабартаа нээгдэхээр бэлэн боложо байна. Энэ объектын үнэ сэнгэнь 113 сая түхэригтэ хүрөө. Тус түб спортивна элдэбын секцинүүдэй хэшээлнүүдтэ болон тэмсээнүүдые үнгэргэлгэдэ зорюулагданхай. Гэхэтэй хамта, спортивна согсолборидо мини-футбол, волейбол, баскетбол болон теннис наадахын тула универсальна нааданай зал хараалагдана гэжэ Буряад Уласай Засагай газарһаа эшэ татанВосток-Телеинформ мэдээсэнэ.
Баргажанай аймагта айлшалха үедөө тойлгойлогшо элшэ хүсэнэй, ниигэмэй халамжын болон унаа тээбэриин бүтээн байгуулалтын объектнүүдтэ хүрөө, аяншалгын талаар түлөөлэгшэдтэй болон олзын хэрэг эрхилэгшэдтэй уулзаа, газар дэбисхэрэй ниитын өөһэдын хүтэлбэринүүдэй ажалтай танилсаа.
