Буряад Уласай Толгойлогшын хүтэлбэри доро майн 29-дэ суглаан дээрэ «2035 он хүрэтэр уласай социальна-экономическа хүгжэлтын хараата түсэб» бэелүүлгын дүн хараада абтаба. Энэ суглаанда Буряад уласай Засагай газарай түрүүлэгшын орлогшод хабаадажа, өөрын шэглэлэлээр түсэбэй бэелүүлгын дүнгүүдтэй танилсуулаа.
- Түсэб бэелүүлгэ нёдондо жэлдэ пандеми үбшэнhөө боложо, хизаарлагдаhан байдалда үнгэрөө. Тиигэбэшье экономикын болон социальна талын hалбаринууд жэлэй дүнгөөр hайн днамика харуулаа. Энээнэй хажуугаар зарим хүгжэлтынүрэ дүүнгүүдэй ябаса бүхэроссин дүнгүүдhээ дээшэ, -гэжэ түрүүлэгшын 1-дэхи орлогшо Всеволод Мухин дуулгаба. – Илангаяа, энэ үйлэдбэри, барилга, гэр байра тушаалга болоно, худалдаанай, түлбэритэ туhаламжануудай, зоной мүнгэнэй олзын доошололго манай уласта ехэ бэшэ.
Промышленна үйлэдбэриин тоо уласта 2020 ондо 107,4 % хүрөө, энэ Россин болон Алас Дурнын тойрогой дунда зэргын тоо баримтаhаа дээшэ болоно. Yйлэдбэриин хүгжэлтын талаар Буряад улас Алас Дурнын холбоото тойрог соо нэгэдэхи hуурида, гүрэн дотор 9-дэхи hуурида ороно.
«2035 он хүрэтэр уласай социальна-экономическа хүгжэлтын хараата түсэб» бэелүүлгын дүн Арадай Хуралай сесси дээрэ үзэмжэдэ табигдаха гэжэ тэмдэглэе.
