Буряад Уласай толгойлогшо Алексей Цыденов аймагуудай захиргаанай ажалтанай мэргэжэл дээшэлүүлгын һуралсалай нэгэдэхи шатын нээлгэндэ хабаадаба.
Нютаг засагай захиргаанай үнинэй ажалладаг ажалтанай резерв хотонуудай ба хүдөө нютагуудай хүгжэлтэдэ хэрэгтэй шэнэ юумэндэ һурана. Мэргэжэл дээшэлүүлгэ гурбан жэлэй захиргаанай ажалтанай һуралсалай проект болоно. Энэ проект Буряадай гүрэнэй хүдөө ажахын академи болон Засагай газар бэлдэһэн байна.
- Бүхы юумэн «байра дээрээ зонһоо» дулдыдаг. Энэ танхим соо шэнэ юумэндэ һураха, мэргэжэлээ дээшэлүүлхэ дуратай зоной байһанда би баяртай байнаб. Холбоото улас хүгжэлтын аргада ехэ тэдхэмжэ хүргэнэ. Энэ тэдхэмжэ хэрэглэхын тула аймаг, нютагаа, уласаа хүгжөөхэ урагшаа hанаатай, hайн бэлэдхэлтэй хүнүүд хэрэгтэй гээшэ,- гэжэ Алексей Цыденов хабаадагшадые угтаба.
Энэ hуралсал hуури тосхоной гулваанууд, нютагай өөhэдын захиргаанай хүтэлбэрилэгшэд, хамта дээрээ 80 зон гараха. Энэ hургуулиин гол зорилго хадаа нютаг дэбисхэрэй хүгжэлтын түсэл зохёолго, бэлдэлгэ ба бэелүүлгэ болоно. Түсэл бэелүүлхэ бүлэгүүд бүридхэгдэжэ, бүлэг бүхэндэ кураторнууд – Буряад Уласай Засагай Газарай түрүүлэгшын орлогшонор, министрнүүд, академиин багшанар даалгагданхай. Долоон hарын туршада энэ бүлэгүүд кураторнуудтаяа хамта нютагай дэбисхэрнүүдэй хүгжэлтын түсэл зохёожо бэелүүлхэ.
