Буряад Уласай Толгойлогшо сэхэ шууд бэелүүлдэг хүдэлмэриин штабай ээлжээтэ суглаа үнгэргэбэ. Элүүрые хамгаалгын яаманай сайдай «ковидай» таксин ажал тухай элидхэлэй hүүлдэ Улаан-Yдэ хотын захиргаанда «ковидай» таксин автопарк олошоруулха даабари үгэбэ.
Мүнөө сагта «ковидай» таксин албанда арбан автомашинанууд хүдэлнэ. Тэдэ амаралтагүйгөөр үглөөнэй 8 сагhаа үдэшын 23 саг болтор ажаллана. Энэ албанай ажал ябуулжа эхилhэнhээ хойшо таксин жолоошод 907 аргашанда ошохо зониие зөөгөө. Энэ туhаламжа түлөөhэгүй гэжэ hануулая.
- Энэ туhаламжа, хэлсээнгүй, зондо ехэ хэрэгтэй. Аргашанда ошохо олон хүнүүд өөрын унаагаар ябаха аргагүй. Эмшэн таксин диспетчернүүдтэ өөрөө захил хэдэг. Хэлсэгдэhэн сагтаа жолоошон пациентнуудые больница асарна ба гэртэнь абаашана. Иимэ арга туhын түлөө арад зон гансал hайниие хэлэдэг, - гэжэ Элүүрые хамгаалгын яаманай сайд Евгения Лудупова тэмдэглэн хэлэбэ.
Автомобильнууд соо жолоошодые аршалха зүйлнүүд тохогдонхой. Тэдэ ажалдаа бэе хамгаалгын хэрэгсэлнүүдые (СИЗ) хэрэглэдэг. Машина соо үдэр бүри халаанай үедэнь гурба дахин ариг сэбэр болгодог.
