Ноябриин 16-да Буряад Уласай Толгойлогшо Алексей Цыденов Ород Уласай үйлэдбэриин болон худалдаа найманай сайд Денис Мантуров гэгшэд короновирус үбшэнhөө аргалха эмүүдые Буряад уласта асарха асуудал тухай хэлсэбэ. COVID-19 үбшэнтэй улад зониие аргалхада хэрэгтэй эм домуудые уласта таhалдуулангүй, хэрэгтэй соонь оруулха туhа Алексей Цыденов холбоото уласай яаманhаа эрибэ.
Буряад Уласай эмэй сангуудта мүнөө энэ бүлэгэй эмүүд дуталдажа байна. Буряад Уласай Толгойлогшын даабаряар сентябрь hарын эхиндэ улас дотор эм асарха ажал ябуулха тусхай бүлэг бүрилдүүлэгдээ, тэрээн соо нютаг можын Yйлэдбэриин болон худалдаа найманай яаман, Элүүрые хамгаалгын яаман, Мүнгэн hангай яаман, Буряадай фармациин эмэй сангуудай худалдаанай холбоон ороно. Элүүрые хамгаалгын яаман болон эмэй сангуудай худалдаанай холбоон эмэй хэрэгтэй хэмжээ тодорхойлно. Yйлэдбэриин болон худалдаа найманай яаман эм асарха асуудал шиидхэнэ. Препарадуудые гаргадаг үйлэдбэрилэгшэдтэй сэхэ хөөрэлдэжэ, үйлэдбэриин яаман захилнуудые хэжэ эхилээ.
Эм гаргадаг үйлэдбэри ехэ хэмжээнэй эм гаргаха бэлэн бэшэ байна. Тиигэдшье, зомнай магад хэргэтэй болохо гээд, эм олоор абажа хадагална. Арад зон ехэ хүлгөөтэ болонхой. Эмэй бии болоходо, үни болонгүй дууhан худалдажа абана. Гречка, шиирэ ба дабhа абаhантай зэргэсүүлмээр, - гэжэ Алексей Цыденов хэлэбэ.
Эм абалгын график табигдажа, улас дотор асарагдажа эхилээ. Буряад Улас дотор 96 мянган торхо «Арбидол», «Азитромицин» болон ондоо эмүүд ерэхэ.
