Буряад Уласта санитарно-эпидемиологическэ эрилтэнүүдые сахижа шадабал - сауна ба бэеэ угаалгын зургаанууд нээгдэхэ. Сауна ба бэеэ угаалгын газарнуудай ажалай хизаарлалта болюулха тухай короновирус үбшэнэй байдал хиналгын болон саг үргэлжэ адаглан шалгалгын Уласай штабай ээлжээтэ суглаан дээрэ абтаба.
Эдлэгшэдэй эрхэ болон зоной амгалан байдал хамгаалгын талаар хиналтын Уласай албанай шэнэ короновирус үбшэнтэй тэмсэлгын бүхы зааhан зууршалалганууд хүсэд сахигдабал, энэ түлөөhэтэ туhа хүргэлгын ажал зүбшөөгдэхэ болоно. Нэгэ доро объектын багтааха аргаhаань 50 % -hоо дээшэ бэшэ зониие нэгэ сагта оруулха гэжэ хараалагданхай.
Ажалаа ябуулжа эхилхын тула энэ зургаануудай эзэд «Работающая Бурятия» гэжэ интернет-портал дээрэ мэдүүлгэ үгэхэ ёhотой болоно. Июлиин 31 болотор СПА-салонууд, массажай салонууд болон соляринуудай ажал хизаарлагдаhаар гэжэ Буряад Уласай Засагай газарай хэблэлэй албан дуулгана.
Энээнhээ урид Буряад Уласай толгойлогшо Алексей Цыденов Улаан-Yдэ хотодо ниитын хоолой зургаанууд хаагдажа болохо гэжэ хэлэhэн байна. Улас дотор ниитын хоолой зургаануудта санитарна-эпидемиологическа эрилтэнүүдые эбдэлгэнүүд тэмдэглэгдэhээр.
