Буряад Уласта ой тайгын түймэрэй аюулай доошолhон шалтагhаа модото бэшэ ресурс суглуулха хизаарлалта болюулагдаба. Улас түрын ойн ажахын агенствын захиралаар бүхы Буряад Уласай ой тайгын дэбисхэр дээрэ унаhан модо, мүшэр бэлдэлгэ, эмдэ ородог ногоо ургамал сууглуулга ба жэмэс, һархяаг, һамар түүхэ зүбшөөл августын 14-hөө хүсэндөө орохо. Хээрын ургамал суглуулха тусхай зүбшөөл абаха хэрэггүй,- гэжэ Улас түрын ойн ажахын агенства дуулгана.
- Жэмэс гараараа суглуулха, элдэб оньhон түхеэрэлгэ хэрэглэжэ, жэмэсэй бургааhануудые гэмэлтээхэгүй. Һархяаг суглуулхадаа үндэhыень гэмэлтээнгүйгөөр газар дээгүүр нарилан отолжо абаха.Хушын hамар тогтоогдоhон гуримаар хубаарилжа үгэhэн ойн талмай дээрэ хүсэд эдеэшэhэнэйнь hүүлдэ суглуулха,- гэжэ ойн харуулшад тэмдэглэбэ.
Буряад Улас дотор түймэрэй аюултай гурим үргэлжэлһөөр. Буряад ороной ажаһуугшадые түймэрэй аюулгүй байдал сахихыень ба хээрын ургамал суглуулха гурим сахихыень уряална. Хайшан гээд ошохоб, ой соо хайшан гэжэ ябахаб гэhэн асуудалнуудай гарабал, ошохо газарайнгаа ойн ажахыда хандажа болоно.
Ойн түймэрэй гараһан тухай 20-44-44 гэһэн утаһаар ойн харуулшадта дуулгаха.
