Буряад Улас дотор августын 25-һаа олониитын транспорт соогуур нюураа халхалха баг заатагүй хэрэглэхэ эрилтэ дүүргэлгэ шалгажа эхилхэ. Түргэн хүдэлдэг бүлэгүүд арад зоной энэ журам сахилга шалгажа гараха. Олониитын транспортаар ябагшад заатагүй хамар, ама хоолойгоо халдабарита үбшэнһөө халхалжа маскануудые хэрэглэхэ ёһотой,- гэжэ Буряад Уласай Засагай газарай ба Толгойлогшын хэблэлэй албан дуулгана.
Энэ тогтоһон журам эбдэһэнэй түлөө административна харюусалга хараалагданхай. Юрын зоной журам эбдэһэнэй ялын хэмжээн – 500 түхэригһөө 1 мянга хахад түхэриг хүрэтэр, албанай түлөөлэгшэдэй - 2,5 мянганhаа 7,5 мянган түхэриг хүрэтэр, юридическэ нюурнуудай – 12,5 мянган түхэригһөө 25 мянган түхэриг хүрэтэр болоно.
Буряад Уласай Арадай Хуралай XII-дохи сесси дээрэ «Об административных правонарушениях» гэжэ Буряад Уласай хуулида заhабари нэмэлтэ абтаһан байна. Энэ баримта бэшэгээр Буряад Улас дотор арад зоной элүүр энхые хамгаалха хэмжээ ябуулгануудые һайжаруулхын, элдэб үбшэнһөө, тэрэнэй тоодо короновирус үбшэнэй тарахагүйн тула журам тогтооһон эрхэ хуулиин тогтоол эбдэһэнэй түлөө харюусалга байгуулна.
