Буряад Уласта 41700 мянганһаа олон гэртэхин тэдхэмжэдэ хүртөө. 32 250 ороһон мэдүүлгэнүүд хараалагдажа, энэ хэмжээ ябуулгада 1,4 сая түхэриг гаргашалагдаа гэжэ Социальна хамгаалгын яаманһаа Восток-Телеинформ дуулгана. Иимэ түлбэринүүд июниин 1-һээ эхилээ.
Түлбэриин хэмжээн дунда зэргын нэгэ хүнэй олзо ажамидаралай доодо хэмжээнһээ 50 % болоно. Энэ хадаа дунда зэргын 5,5 мянган түхэриг юм. Буряад Уласта нэгэ һарын түлбэри 6032,5 түхэриг болоно гээшэ.
2020 оной ноябриин 1-һээ 3-һаа 7 наһа хүрэтэр үхибүүдтэй хүндэ байдалда ороһон бүлэнүүдэй мүнгэн тэдхэмжэ абалга хүнгэлэгдэхэ гэжэ Яаманай газарта тэмдэглэбэ. Энэ захирал Оросой Холбоото Уласай Засагай газарай түрүүлэгшэ Михаил Мишустин гаргаба. Тиимэһээ, тэдхэмжэ абахын тула эрхэтэд алимент тухай мэдээсэлэй данса тушаахаа болихо. Гүрэнэй зургаанууд энээн тухай захиргаануудай хоорондохи электронно холбоогоор абаха аргатай болобо.
Ород Уласай Юрэнхылэгшын даабаряар корновирус үбшэнэй шалтагһаа ажалгүй болоһон зоной урдахи үенүүдтэ ороһон олзые мүнгэн тэдхэмжэ абалгын хэрэгэй тоодо абахагүй гэжэ Буряад Уласай социальна политикын яаманай сайд Татьяна Быкова тодорхойлоо.
