Буряад Уласай эрхэтэдтэ сэдьхэлэй байдал заhаха түлөөhэгүй туhаламжын сэхэ шугам нээгдэбэ. «Волонтёры в помощь детям-сиротам» гэhэн фондын сэдьхэл шэнжэлдэг эрдэмтэд короновирусай эпидемиин шалтагhаа hанаагаа зобоhон, сэдьхэлээ үбдэhэн зондо карантинай дүүрэтэр туhаламжа хүргэхэ.
- Короновирус үбшэнэй дайралтаhаа өөрыгөө халхалалгын үе хүндөөр үнгэргөө hаа, өөрынгөө, түрэлхидэйнгөө түлөө ехээр hанаагаа зобоо hаа, үхибүүдээрээ, гэртэхинтэеэ, түрэлхидтэеэ, нүхэртэеэ холбоо харилсаагаа тогтоожо ядаа hаа, манай мэргэжэлтэндэ хандагты. Бидэ энэ тогтоhон хүндэ байдалда таанадта туhа хүргэжэ оролдохобди, - гэжэ «Волонтёры в помощь детям-сиротам» гэhэн фондын хүтэлбэрилэгшэ Елена Альшанская хэлэбэ.
Энэ сагта туhаламжын сэхэ шугамда короновирустай холбоотой hанаа зобонги байдалда ороhон хэншье хандаха аргатай. Сэдьхэл шэнжэлдэг эрдэмтэдэй тэмдэглэhээр, короновирус үбшэнэй дайралтаhаа өөрыгөө халхалалгын үедэ hанаа зоболгын байдал гэртэхинтэеэ харилсаанай муу болоhонтой нягта холбоотой байжа болохо. Хүн зон наhажаал түрэлхидэйнгөө, үхибүүдэйнгээ холоhоо hургалагын, ажалайнгаа түлөө, мүнгэнэй ба салингайнгаа асуудалай түлөө hанаагаа зобоно.
Сэдьхэлэй байдал заhаха туhа абахын түлөө 8-800-700-88-05 гэhэн утаhаар хонходожо болохо.
