Ноябриин 25-да (гарагай хоёрто) Буряад Уласай толгойлогшо Алексей Цыденов түсэб табилгын зүблэлдэхэ суглаан дээрэ Болбосоролой ба эрдэм ухаанай болон Социальна хамгаалгын яамануудта олондо хабаатай бүхы эмхи зургаануудай дулаасуулгын шанар шалгаха гэһэн тусхай даабари үгэбэ гэжэ Восток-Телеинформ Буряад Уласай Засагай газарай хэблэлэй албанһаа дуулгаба.
-Бүхы һургуулинууд ба хүүгэдэй сэсэрлигүүдтэ, Социальна хамгаалгын яаманай мэдэлдэ байһан бүхы эмхи зургаануудта. Байшангууд соо дулаан гү, али хүйтэн байна гү гэжэ шалгагты. Долоон хоногой хугасаа соо шалгалта үнгэргэхэ, тиигээд шууд түргэн суглаан дээрэ намда дуулгаха, - гэжэ Алексей Цыденов даабари үгэбэ.
Бүхы дээрээ дулаасуулгын хаһа улас дотор хараалагданхай журамаар ябана гэжэ Барилгын ба гэр шэнэлэлгын яаманай сайд Николай Рузавин дуулгаба.
Ноябриин 1-һээ 8 болотор 20 нютаг засагай байгууламжануудай, хотын 2 тойрогой ба 5 хотын һууринуудай шалгалтанууд үнгэргэдөө. Дүүрэн бэлэдхэлэй паспорт 14 нютаг засагай байгууламжануудта, 2 хотын тойрогуудта ба хотын 4 һууринуудта үгтэбэ. Ноябриин 22-ой байдалаар Баргажанай, Бэшүүрэй, Зэдын, Яруунын, Ивалгын, Хурамхаанай, Хориин Захааминай аймагуудта, Улаан-Үдэ, Закаменск хотонуудта түлишын нөөсэ хүсэд бэлдэнхэй. 9 нютаг засагай байгууламжануудта (Баунтын, Загарайн, Хэжэнгын, Хяагтын, Мухар-Шэбэрэй, Прибайкалиин, Сэлэнгын, Тарбагатайн ба Түнхэнэй аймагуудта) түлишын нөөсэ 26 хоногой, тиимэһээ нормативна бэлдэсын хэмжээнһээ бага, тусхай шалгалта доро. Загарайн аймагай Ильинка, Челутай, Онохой һууринуудта, Кабанскын аймагай Бабушкин хото байна. Эндэ түлишын нөөсэ оройдоол 9-11 хоногой. Нютаг Засагай байгууламжануудай гулваануудта түлишын нөөсэ бэлдэлгэдэ хэрэгтэй арга хэмжээ түргэн саг болзор соо абаха гэжэ даабари үгтэбэ.
