Буряад уласта июлиин 8-да БАМ-айхидай дурасхаалта үдэр тэмдэглэгдэбэ. Энэ һайндэр Арадай Хуралай 30-дахи хуралдаан дээрэ батадагдаа һэн. Тиихэдэ депутадууд «Буряад Уласта һайндэрнүүд болон дурасхаалай үдэрнүүд тухай» хуулида тусхай хубилалтануудые оруулаа бэлэй. Тус хуули түсэлые Арадай Хуралай Северобайкальск хотоһоо депутат Оксана Бухольцева эдэбхижүүлэн үүсхээ һэн. Тэрэнэй хэлэһээр, иимэ дурадхалтайгаар БАМ-ай ветеранууд хаа хаанаһаа хандаһан байгаа. Ганса Буряадташье һуудаг бэшэ, бусадшье орон можонуудһаа хандалганууд ороно гэжэ тэрэ тайлбарилаа бэлэй.
Байгал-Амарай түмэр зам барилгада хабаадагшадай дурасхаалда энэ үдэр зорюулагдаһан удхатай.
Энэ һайндэ улад зониие нэгэдүүлхэ үүргэтэй. Юуб гэхэдэ, БАМые бүхы Зүблэлтэ Холбооной арад түмэн барилсаа гээ һаа таатай. Комсомол отрядууд алиш углуу хизаарһаа буужа ерээ бэлэй. БАМ-ай буряадтахи зай юрэнхыдөө тон ута гээд тоотой. Жэшээнь, Северобайкальск хотые гол түлэб ленингардайхид бодхоогоо, Уояниие – Литвагай комсомолшууд, Ангоя тосхониие – Азербайджанай отрядууд гэхэ мэтэ гэжэ парламентын хэблэлэй албан мэдээсэнэ.
Буряадтахи участок дүн хамта 525 км бүридүүлнэ, энэнь бүхы замай зургаадахи хуби эзэлнэ бшуу. Тиигээдшье эгээл хүндэ гэжэ тоотой, гэжэ Восток-Телеинформ анхан дуулгаһан байха. Эндэ хүдэлһэн зон үнэхөөрөөл баатаршалга харуулаа. Дурасхаалай үдэр миил таамаг табигдаа бэшэ: ЦК КПСС-эй болон СССР-эй Министрнүүдэй Зүблэлэй № 561 дугаарта «Байгал-Амарай түмэр зам барилга тухай» суута тогтоол эгээл июниин 8-да абтааһан байна.
