Буряад Уласай Толгойлогшо Алексей Цыденов Үндэһэтэнэй номой сангай биледтэ хүртэбэ гэжэ Восток-Телеинформ улас түрын соёлой яаманай мэдээ дуулгана. Тус Номой сан Сибирь дотороо эгээл урданай гэжэ тоотой. Юрэдөө, Буряад Уластаа мэдээсэлэй болон соёлой эгээл ехэ эмхи мүн.
Уншагшын билет номой сангай бүхы арга нүхэсэлнүүдые хэрэглэхэ боломжо олгуулдаг, тэрэ тоодо уншагшын танхим соо һуужа, алиш һалбарида хабаатай, үгы бол уран һайханай шэглэлтэй номуудые захижа танилсаха арга лаб үгэдэг. Гадна, Борис Едьцинай нэрэмжэтэ Юрэнхылэгшын номой сангай буряадтахи таһагай сахим нүхэсэлнүүдые хэрэглэхэдэ таатай. Эндэ түлбэригүйгөөр бүридхэлдэ абтахын тулада гансал хүнэй паспорт хэрэгтэй.
Алексей Цыденов соёлой болон тамирай бусадшье газарнуудаар эдэбхитэйгээр ябадаг, хабаадалсадаг байна. Жэшээнь, хоккейгоор улас түрын суглуулагдамал командын бүридэлдэ эстрадын одонуудтай тулалдаанда хабаадалсаа һэн. Тиихэдэ тэрэ хоккейн хубсаһа үмдэжэ шайба хаяад, наада захалаа бэлэй. Тэрэ наадан бодото дээрээ Федерациин Соведэй ажаһуудалай түрын талаар хорооной бэеын тамирай шэнжэлхы зүблэлэй Улаан-Үдэдэ «Үбэлэй тамирай зүйлнүүдые хүгжөөхэ» гэһэн хуралдаанай оршондо үнгэргэгдөө һэн гээд эндэ һануулая.
