Буряад уласта зунай амаралтын урдахи һүүлшын хуралдаан үнгэрбэ

Арадай Хуралай ээлжээтэ, арбан наймадахи хуралдаан Улаан-Үдэдэ июниин 23-да үнгэрбэ. Энэ зүблөөн амаралтын урдахи эсэсэй байхын хажуугаар һүүлэй сагта улас түрын мүнгэн һан тухай асуудалай харагдаагүй түрүүшын хуралдаан болобо. Депутадуудай үзэмжэдэ 41 асуудал энэ удаа табигданхай, тэрэ тоодо Буряад Уласай Толгойлогшын 2011 онһоо 2015 он болотор хэһэн ажалай дүнгүүд тухай тоосоон шагнагдаха гээд Восток-Телеинформ мэдээсэнэ.

Хуралданда харагдаха асуудалнууд тэрээнш үгыгөөр олон байгаа. Хоёр асуудал «Засаг Газарай сагта» харагдаһан байна. Түрүүшын асуудалаар элидхэгшээр Тээбэриин, элшэ хүсэнэй ба харгын ажахын яаман һайд Сергей Козлов, хоёрдохи асуудалаар - Барилгын ба гэр-байрын ажахын яаман һайд Никола Рузавин гэгшэд тодорхойлогдоһон байба.

Буряадай барилгын һалбарида ажалай хэмжээн 12,8 хубяар доошо ороо гээд дансанууд гэршэлнэ. Барилгада хэрэглэмжын эд худалдалга 33 хубяар унаа. Эндэ хүдэлдэг ажалшадай тоо жэлэй туршада дунда зэргэ 4,6 хубяар үсөөрөө, мүн салин хүлһэнэй хэмжээн 6,7 процентоор бага болобо. Һалбарида ушарһан хэсүү байдал дээдэ болон дунда һургуулинуудые түгэсэгшэдые ажалаар хангаха хэрэгтэ нүлөө үзүүлнэ. Энэ жэл тэдэнэй тоо 3 хубяар олошоронхой юм. Хэб түсэл зохёохо ажалай хэмжээн мүн лэ бага болоо, энээнһээ боложо тусхай шалгалтада эльгээгдэһэн түсэлэй дансануудай тоо хагсаа. Тиин барилга хэхэ зүбшөөлгэнүүдэй тоо 67 хубяар доошолоо. Ажалай эршэ хүсэ ажаглаһанай дүнгүүдээр захилаар хангалга нёдондоной энэ хаһатай зэргэсүүлхэдэ 40 процентээр доошо ороо. 2014 онһоо эхилжэ, барилгада эрхэтэдэй оруулалсадаг мүнгэнэй тоо саг үргэлжэ унажа байна. Байгша ондо барилгануудай тогтоохо ушарнууд олошорхо байха гээд яаманай мэргэжэлтэд хараална.

Барилгын һалбари хүгжөөхэ талаар гүрэн түрын зүблэлэй зүблөөн дээрэ байгша оной 17-до абтаһан шиидхэбэринүүдэй гүйсэдхэлгэ ехэ найдал түрүүлнэ. Юуб гэхэдэ, Юрэхылэгшын даабаряар ипотекын хэмжээн нэгэ бага доошолуулагдажа магад. Тиигэбэл, барилгын һалбари дахяад һэргэхэ һэн гээд яаман һайд һанамжална. Гэхэ зуура, федеральна зорилгото программануудта Буряад улас эдэбхитэйгээр хабаадалсана. Энэнь мүн лэ өөрын нүлөө асарха ёһотой. Байгша ондо татагдаһан мүнгэнэй хэмжээн аяар 50 хубида гэхэ гү, али 3,9 миллиард түхэригтэ хүрэжэ амагад. Энэ хадаа яаманай болон депутадуудай гол дурадхалнуудай нэгэн болоно.

Агаараар хүн зониие зөөхэ талаар байдал баһал хэсүү. Буряад уласта авиа-холбоо «Буряад нютагай агаарай лининүүдэй аэропортнууд» гэһэн акционернэ бүлгэм ябуулна, теэд үсөөхэн ниидэлгэһээ, аргагүй ехэ гаргашануудһаа боложо, энэмнай олзо мүртэй олоногүй. Жэл бүри гаргашануудынь 41 сая түхэриг бүридүүлнэ, харин олзо оршонь оройдоол 22 саяда арай хүрэнэ бшуу. Налогай федеральна албан зургаанай мэдээгээр тус эмхи панхаруутаха туйлдаа хүрэнхэй. Агаарай холбоо ябуулдаг компнанинууд гээ һаа, «Буряад авиалининуудые» зарим замуудһаа анхан түригшэ, һүлэй үедэ Нижнеангарск, Таксимо хүрэтэр ниидэлгэ эмхидхэжэ байһан ПАНХ нэгэдэлэй самоледууд лизингын үри шэринүүдэй түлөө хаагданхай. «Буряадай авиалининүүд» өөрын рейснүүдэй сагай гурим нэгэтэ бэшэ эбдэнэ гэжэ депутадууд гомдолтой. Тирэшэлэн, 8-һаа 11 болотор мянган түхэригэй таһалбаринуудай сэн олонхо зондо даамаар бэшэ байна.

Энэ талаар хото шадархи түмэр замай тээбэриие тэдхэһэндэ адляар тэдхэхэ аргануудые хаража үзэхэ гээд шиидхэбэри хуралдаан дээрэ абтаба. Июлиин 15 болотор  ажалай тусхай бүлэг энэ бэрхэшээл усадхаха жэшээтэй.

Заметили опечатку? Выделите ошибку и нажмите Ctrl+Enter.