Буряад республикын дэбисхэр дээрэ хүнгэн таксигаар зониие ба ашаа шэрэхэ талаар ажаябуулга эмхидхэхэ тухай хуулида заһалтанууд Арадай Хуралай зургаадахи сесси дээрэ оруулагдахань. Тэрэнь июниин 25-да үнгэрхэ. Хубилалтанууд нэн түрүүн Таксинууд нэгэ шара үнгэтэй байха гээд хубилалтанууд хараалхэ зэргэтэй.
Буряадай унаанай, элшэ хүсэнэй болон харгын ажахын яамын мэргэжэлтэдэй бодомжоор тэдэ хубилалтанууд олоной дундаһаа таксинуудые онсолон таниха арга хүн зондо олгуулха жэшээтэй. Тиигээдшье хүнгэн таксинуудай шанар шэнжэ хинажа байха ёһотой албангуудта алмалташье боложо үгэхэ. Энэнь аюулгүй байдал хангаха хэрэгые улам нарижуулһан удхатай гээд ойлгоё.Зүгөөр бултые нэгэ үнгэдэ оруулхын түлөө нэгэ хэдыхэн саг хэрэгтэй гэжэ ондоо регионуудай жэшээһээ адагламаар. Тиимэһээ зүбшөөлгын дансануудаа абажа үрдиһэн авто унаануудай эзэдтэ тус эрилтые 2015 оной январиин 1-һээ нэбтэрүүлжэ эхилхэ тухай дурадхал оруулагдаба.
Юрэдөө, хүнгэн таксинуудые нэгэ үнгэдэ оруулха гээшэмнай хүн зоной ажабайдал хангаха хэрэгые улам нарижуулһа удхатай. Юуб гэхэдэ, шара үнгэнь һайн шанартай, аюлгүй хангалта эндэ дурадхана гэжэ харуулха болоно гээд министерствын мэргэжэлтэд тоолоно.Энэ сагта таксинуудые нэгэ үнгэтэй болгохо тухай гурим Россиин 17 субъектдэ абтанхай байна.
Анхан мэдээсэлэй “Восток-телеинформ” агентствын дуулгаһаар, 7 регион шара үнгэдэ дура дуугаа үгөө, үшөө 7 субъектдэ хоёр зүһэтэй такси ябаха, тиихэдэ хоёр региондо сагаан үнгэ һайшаагдаа. Шара үнгэ зүһэтэй унаанууд бусадта орходоо харгын усалда үсөөн дахин ородог байна гээд шэнжэлэлгэнууд харуулһан байна. Гэхэ зуура, урда зуун жэлдэ Зүблэлтэ Соведэй уласта, олон тоото харииншье гүрэнүүдтэ шара таксинууд ябадаг байгаа гэжэ тэмдэглэе.
Политика и власть 16 июня 2014 г., 08:11
Заметили опечатку? Выделите ошибку и нажмите Ctrl+Enter.
Фото: с сайта pro-volgograd.ru
Поделиться
Поделиться
Твитнуть
Отправить
Поделиться
Поделиться
Поделиться
Твитнуть
Отправить
Поделиться
