Бүхы зиндаа хэмжээнүүдэй депутадуудай октябрь һарада үнгэрхэ дүрбэдэхи хуралдаанда бэлдэлгэ Буряад уласта эхилэнхэй. Энэ удаа хуралдаандэ бэлдэхэ талаар аймаг хоорондын депутадуудай ээлжээтэ зүблөөн Түнхэнэй аймагта болобо гээд Восток-Телеинформ парламентын хэблэлэй албанай соносхол дууряан дуулгана.
Уулзалга дээрэ хуралдаанда тунхаглагдаха резолюцида оруулха дурадхалнуудаа Түнхэнэй, Ахын болон Кабанскын аймагуудай түлөөлэгшэд оруулһан байна. Энэ зүблөөнэй дүнгүүд тушаа Арадай Хуралай Гүрэнэй байгууламжын, нютагай өөрын хүтэлбэрилгын, хуули саазын болон гүрэнэй албанай талаар хорооной түрүүлэгшэ Борис Ботоев хөөрэжэ үгэбэ.
Аймаг бүхэн хуралдаанай резолюцида орохоор хүндүүлхэй асуудалнуудые табяа, - гэжэ тэрэ тэмдэглэхэ юм. – Ахын аймаг, жэшээнь, газарай нөөсэнүүдые ашаглаха тухай асуудалда анхаралаа хандуулна. Энэнь хүн зоной байра байдал һайжаруулха хэрэгтэ, аймагай хүгжэлтэдэ туһатай байгаа һаань һайн бэлэй. Үндэһэтэнэй үзэсхэлэнэй дэбисхэртэ оршодог газарнууһаа хүнүүдтээ хубааха ëһо гурим тухай асуудал түнхэнэйхидэй һанаа хүлгөөнэ. Үндэһэтэнэй пааркын болоод улад зоной дунда тэнсүүри хайшан гээд ололтойб? Кабанскын аймагайхид омоли загаһа үдүүлхэ талаар асуудалаар хүлгэнхэй, тиигээдшье гүрэн түрын зиндаагай хуули ëһонуудаар хараалагдаһан хорилтонууд Байгал далайн үмэнэ һууһан зоной байдалда харша нүлөөтэй гээд мэдээжэ. Эдэ мэтын бэрхэшээлнүүд резолюци дотор тунхаглагдаха байха гэжэ би бодомжолноб.
