Мэргэжэлтэдые шэлэхэ ажал шэнээр һэргээхэ шухала гэһэн һанал үнгэрэгшэ зун Буряадай аха захатанай зүблэлэй суглаан дээрэ соносхогдоһон байгаа. 2016 оной октябрьта улас түрын толгойлогшын зарлигаар тиимэ зүблэл бүридхэгдөө. Тэрэнэй бүридэлдэ гүйсэдхы болоод хуули зохёолгын засаг зургаануудай, эрдэмтэ олониитын, эргэдэй палатын болон олзо эрхилэгшэдэй зүгһөө түлөөлэгшэд оруулагдаба.
Гүрэнэй ажалай мэргэжэлшэдые шэлэхэ хэрэгые улам нарижуулха зорилготойгоор байгуулагдаһан энэ зургаан юрэнхыдөө үрдилдөөн, урилдаанай гуримаар ажалда абадаг шүүмжэлхы комиссиин үүргэ дүүргэхэ бэшэ, харин хэн гүрэнэй ажалда таарууб, дүй шадабарииень яажа тон ашатайгаар хэрэглэхэб гэхэ мэтын ажал ябуулха жэшээтэй. Тэрээн зуур энэ ажалаа олонһаа нюуса бэшээр, зүгөөр тодо элеэр, «һаруулаар» ябуулха ёһотой.
Хүтэлбэрилхы тушаал энэ хүн юундэ, яахадаа эзэлхэ болооб гэжэ зон мэдэхэ ёһотой, - гээд Вячеслав Наговицын тэмдэглээ.
Буряад уласай гүрэн түрын тушуулнуудые гуримшуулха талаар ажалда зүбшэлгын энэ зургаан тон лэ хэрэгтэй гээд дамжаггүй.
