Буряад Уласай Арадай Хуралай Можо хоорондын харилсаануудай, үндэһэтэнэй асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хорооной түрүүлэгшэ Виталий Лыгденов сесси дээрэ абтаһан бэеын тамирай болон тамирай талаар хуулиин удха шанарые сэгнэбэ гэжэ Восток-Телеинформ бэшэнэ.
Уласай хуулида “Бүхэ барилдаан”, “Сурхарбаан”, “Мори урилдаан,“Шатар, “Һээр шаалган” үндэһэн тамирай зүйлнүүд гэжэ тоологдодог. Түүхын хуудаһанда харахада, буряад үндэһэн нааданууд гол түлэб эрэшүүлдэ зорюулагдадаг, юундэб гэхэдэ, мүрысөөнэй сэдэб хадаа хүсэн шадал болоно. Тиихэдэ “Шагай наадан” гэһэн шагай наадан үхибүүдтэ, эхэнэрнүүдтэ, наһатайшуулда тон хүртээмжэтэй буряад үндэһэн наадан гээшэ. Тус наадан 2014 ондо Буряад орондо соёлой болон тамирай хэмжээ ябуулгануудай программада оруулагдажа, мүнөө уласай тамирай зүйл болонхой.
“Бидэ мүнөө ээлжээтэ хуулиин проект дээрэ хүдэлнэбди – үндэһэн спортын зүйлнүүдээр тамирай мастернууд тухай”, - гэжэ Виталий Лыгденов хэлэбэ. - Энэнь Яхадта болон бусад үндэһэтэнэй уласуудта бии. Энэ сэдэбээр Гүрэнэй Дүүмын дурадхалнууд дээрэ үндэһэлэн, манай хороон мүнөө уласай хэмжээнэй хуулиин түсэл зохёожо байна. Буряад Уласта мүнөөдэр оройдоол зургаан үндэһэн тамирай зүйлнүүд бии, тус бүридөө мастернууд байха. Октябрь һарада уласай тамирай федерацинуудай бүхы түлөөлэгшэдые суглуулжа, тэдэнтэй бүхы хүсэлнүүдыень зүбшэн хэлсэжэ, удаадахи сессидэ бэлэн болоһон хуулиин түсэл оруулхабди», - гэжэ Лыгденов тэмдэглэбэ.
