Буряад Уласта федеральна хэмжээнэй 2100 гаран олон үхибүүтэй гэр бүлын үнэмшэлгэнүүд саарһан дээрэ үгтөө. Ород гүрэндэ 2024 оной октябриин 1-һээ олон үхибүүтэй бүлэдэ онсо QR кодтой цифровой үнэмшэлгэ нэбтэрүүлхэ туршалгын түсэл эхилээ. Ниигэмэй тэдхэмжын хэмжээнүүдые абахадаа, үнэмшэлгын хоёр түхэл, саарһаншье, тооншье, адлирхуу байдаг гээд Буряад Уласай Ниигэмэй талаар хамгаалгын яаман тэмдэглэнэ.
- Цифровой үнэмшэлгэ Гүрэнэй албанай порталда гэр бүлын гэшүүдэй баталагдаһан дансатай һаа, хубиин дансада харуулагдана. Түрүүшынхиеэ олон хүүгэдтэй гэр бүлын статус абаһан түрэлхид порталай “Гэр болон хүүгэд” гэһэн хэһэгээр цифровой үнэмшэлгэ абаха тухай мэдүүлгэ оруулха аргатай.
Тоон баримта бэшэгүүд үлүү зохид: гансал түрэлхидтэ үгтэдэг саарһанай үнэмшэлгэһээ илгаатайгаар, тоон үнэмшэлгэ ехэшүүлшье, үхибүүдшье хэрэглэжэ болохо. QR кодые смартфон дээрээ хадагалжа, хэрэгтэй һаа харуулха аргатайт. Тиигэбэшье гэр бүлэнүүд саарһан дээрэ үнэмшэлгэ абаха аргатай гэжэ таһаг тэмдэглэнэ.
Олон үхибүүтэй гэр бүлэнүүдтэ социальна тэдхэмжын хэмжээнүүд (тэдхэмжэ ба компенсаци оруулан) ехэ үхибүүнэй 18 наһа хүрэтэр гү, али 23 наһа хүрэтэр, болбосоролой эмхи зургаанда очно һуралсалай ёһоор һураха ушартай, хүсэндөө байдаг. Тиихэдэ тэдэнэр бүхы Ород гүрэн доторхи музейнүүдээр, соёлой паркнуудаар, үзэсхэлэнгүүдээр түлбэригүй ябаха эрхэтэй, олон үхибүүдэй эжынэр даадхалай пенси эртээнһээ даалгаха гэжэ тоолохо аргатай.
