Байра байдал болбосоруулха талаар түсэбүүдэй зохёогдоходо олониитын һанал бодолнууд хараада абтадаг байха. Буряад Уласай Толгойлогшо Вячеслав Наговицын Барилгын болон Гэр байра шэнэлэлгын яаманда байра байдал болбосоруулха ажалаа ябуулхадаа улад зонойнгоо һанамжа, бодомжонуудые улам анхаралтайгаар хараада абадаг болохые баадхаба, гээд Толгойлогшын болон Засаг-газарай хэблэлэй албан мэдээсэнэ.
- Юушье эхилхэ гээ һаа урид арад зонһоороо юун хэрэгтэйб гэжэ һурадаг болоё. Юуб гэхэдэ, түсэл зохёогшодшье, барилгашадшье алдуу эндүү хэдэг. Жэшээнь, хүнэй алхаад гаража диилэмээр бэшэ бордюрнууд хаа хаанагүй табигдашадаг, - гэһэншүүгээр тэрэ тайлбарилаа.
Ородой Холбоото уласай юрэнхылэгшэ Владимир Путин Хандалга дотороо ноёд түшэмэлнүүдые «улад зонтоёо үнэн сэхээр хөөрэлдэхые, илангаяа, аймаг хотонуудые болбосоруулха, түүхын гэршэнүүдые гамнаха, мүнөөнэй оршон тойронхиие зохёохо болоходоо һанал бодолнуудыень анхархые» уряалаа һэн. Тэрэшэлэн, гудамжануудаа, гэрэйнгээ ара үбэрөө, эрье сэсэрлигүүдые, тамирай болон хүүгэдэй талмайнуудые ямарханаар хараха һанаатайб гэжэ шэнжэлхые баадхаа бэлэй гээд һануулая.
