Буряад Уласай Толгойлогшо Алексей Цыденов Москвада “Тээбэри” гэһэн шэглэлээр Госсоведэй комиссиин зүблөө үнгэргөө. Энэ арга хэмжээн болбол 2022 оной 11-р һарын 14-һөө 19 болотор Москвада Тээбэрин яаманай зохёон байгуулһан XVI Уласхоорондын хуралдаанай болон “Ород Уласай тээбэри” гэһэн үзэсхэлэнэй хэмжээн соо үнгэрөө юм.
Һуурин газарнуудай, хотонуудай болон хотын агломерациин тээбэриин байгуулга хүгжөөхэ зорилгоор “Хотын болон хото шадархи түмэр замаар зоригшодые зөөлгэ гуримшуулга тухай” болон “Хотын зоригшодые түмэр замаар зөөлгын бүтээн байгуулалтые техническэ талаһаа гуримшуулга нарижуулга тухай” асуудалнууд үдэр хэлсэлгэдэ оруулагдаһан байгаа.
Хэлэлсээнэй үедэ хото шадархи зоригшодые зөөлгын хүгжэлтэдэ онсо анхарал хандуулагдаа, тэрэ тоодо хүн зониие тээбэриин үйлшэлгэ эмхидхэхэ талаар уялгануудые хуляар тогтоохо, мүн баһа хото шадархи холбоо дэмжэхэ болон шугамай сүлжээ эдэбхитэй хүгжөөхэдэ хэрэгтэй эрхэ нүхэсэлнүүдые байгуулга мүн.
Зүблөөндэ оролсогшод хотонуудай тээбэриин үйлшэлгэ һайжаруулха талаар дурадхалнуудые тодорхойлоо, тэндэнь хотын болон хото шадархи зоригшодые түмэр харгыгаар зөөлгын хуули ёһоной гуримшуулга нарижуулга хараалга, хотын зоригшодые түмэр замаар зөөлгын бүтээн байгуулалта байрилга тухай асуудалнууд ороо юм.
