Буряад Уласай Толгойлогшо Алексей Цыденов Зүүн оронуудай эдэй засагай хуралдаанай дүнгүүдые гаргаа гэжэ Восток-Телеинформмэдээсэнэ. Хэлсээнүүдые баталһанай хэмжээгээр Алас Дурнын юһэн нютаг можонуудай хамта түрүүшүүлэй тоодо Буряад Улас ороһониинь гол дүнгынь болоо. Буряад Улас ВЭФ-тэ 44 млрд түхэригэй гэрээ хэлсээ хээ юм.
Цыденов гол хэлсээнүүдые нэрлээ. Тэдэнэй дунда – мяханай шэглэлэй агрокластер байгуулха ерээдүйдэ. Тэрээнтэй уласта бодо мал үдхэхэ ба худалдаха мүнөө сагай бүтээн байгуулалта бии болохо – тэжээл ургуулхаһаа эхилээд, мяха гаргаха болон буйлуулха ба бэлэн үрэ бүтээл худалдаха хүрэтэр. Үйлэдбэри 350 ажалай шэнэ байра үгэхэ, фермернүдэй тоо олон болгохо. Барилга 2023 онһоо эхилхэ.
Үшөө нэгэ хэлсээн болбол Хяагтада шэнэ тээбэри-логистикын терминал барилга болоно. “Энэнь ажалай шэнэ байрануудые үгэхэ, Ород гүрэн болон АТР-эй гүрэнүүдэй хоорондохи бараагай эрьелтэ дээшэлүүлхэ юм, - гэжэ уласай толгойлогшо тэмдэглээ.
«ГЕОинформ»-той хэлсэһэнэй ёһоор, 2022-2028 онуудта Улаан-Үдэдэ С.Н. Орешковой нэрэмжэтэ болон Юбилейный сэсэрлигүүдтэ, Гусиноозерскдо, Гүрэльбэ болон Аршаан һууринуудта томошуулай болон багашуулай ухаалиг бүтээн байгуулалтатай модульно спортивна талмайнууд бии болохо. Баскетболой, футболой, воркаутай, панна-футболой, хоккейн, мүн хоолны газарай, секцинүүдэй хүдэлхэ болон ажахын зононуудтай байха.
Буряад Уласай аяншалга-мэдээсэлэй түб “Еврейн автономно можын хүрэнгэ оруулалтын агентство” гэһэн сантай аяншалга хүгжөөхэ талаар хэлсээндэ гар табяа. Буряад Уласай Минкульт “Номой поезд. Санкт-Петербург – Владивосток” гэһэн түсэлтэй хэлсэжэ, “соёлой” поездын зогсохо 14 хотонуудай маршрудта Улаан-Үдые оруулха тухай хэлсээ. Буряад Уласай минспорт болон “Чемпион боло” гэһэн АНО-той бага наһанай хүүгэдэй бэеын тамирай тэдэнэй хүтэлбэри бэелүүлхэ тухайхэлсээндэ гар табяа. Тэндэ аппаратно-программно согсолбори хэрэглэгдэжэ, бэеын тамирэй хэмжээ шалгаха юм.
